HomeGaiakEzkontzakPrentsa Oharrak 2014ko hirugarren hiruhilekoan...

2015/03/06ko prentsa-oharra

EZKONTZEN ESTATISTIKA, III/2014

2014ko hirugarren hiruhilekoan 2.469 ezkontza izan genituen Euskal AEn, urtebete lehenago baino %2 gutxiago

Ezkontza zibilak, %69; aurreko urteko aldi berean baino ehuneko puntu bat gehiago

Eustaten datuen arabera, 2014ko uztail, abuztu eta irailean guztira 2.469 ezkontza izan genituen Euskal AEn; aurreko urteko hiruhileko beraren aldean %2 gutxiago. Arabarrek 412 ezkontza egin zituzten, gipuzkoarrek 792 eta bizkaitarrek 1.200. Euskal AEtik kanpo biziko direnen kasuan, ezkontzak 65 izan ziren.

2014ko hirugarren hiruhilekoan ezkontzen %69,4 zibilak izan ziren; 2013ko aldi berean baino 1,3 puntu gehiago. 2014ko bigarren hiruhilekoaren aldean (%77,2) ere txikiagoa da.

Senarren %86k eta emazteen %72k 30 urte edo gehiago zituzten

Ezkontideek eztei-egunean zuten adinari erreparatuta, senarren arteko %85,9k 30 urtetik gora zituzten; emazteen arteko %71,9k. Aurreko urteko aldi beraren aldean, proportzioa gizonen artean bakarrik handitu da. 2013an gizonen %84 eta emakumeen %72,4 ziren.

2014ko hirugarren hiruhileko 2.469 ezkontzetan, bizilekua Euskal AEn duten 2.381 gizon eta 2.415 emakume ezkondu ziren. 2.156 senarrentzat (%90,6), lehen ezkontza; 13 alargun eta 212 dibortziatu berriro ezkondu ziren. Lehen ezkontza zuten emakumeen ehunekoa gizonena baino zertxobait altuagoa: Emakume ezkongabeak, 2.203 (%91,2); alargunak, 10; dibortziatuak, 202.

Emakume ezkonberrien %8 atzerritarrak ziren

2014ko udan zeharreko ezkontzetan, gizonen %6 eta emakumeen %8,1 ez ziren espainiarrak.

Ezkontzarik gehien (1.069) uztailean; ondoren (956), irailean. Aurrekoetan bezala, ezkontzarik gutxien (444) izandako udako hila abuztua, aurreko urteko hil beraren aldean %5,7 gehiago.

Sexu bereko pertsonen artean, 45 ezkontza; urtebete lehenago, 36.

Iturria: Eustat. Euskal AEko ezkontzen estatistika