2015/01/29ko prentsa-oharra
Euskal AEko BPGk hiruhileko arteko %0,6ko hazkundea izan zuen 2014ko laugarren hiruhilekoan
Azken hiruhilekoan %1,7ko urte arteko tasa dugu; 2014 osoan BPG %1,1 hazi zen
Euskal AEko Barne Produktu Gordinak (BPG) %0,6ko hazkundea izan du 2014ko laugarren hiruhilekoan aurrekoaren aldean, urtaro- eta egutegi-eraginik gabe, Eustaten aurrerapen-datuen arabera. Aurreko hiruhilekoaren aldean, hazkundea ehuneko bi hamarren handiagoa da; seigarren hiruhilekoa jarraian tasa positiboekin.
Aldakuntza-tasa, %1,7 aurreko hiruhilekoaren aldean, 2014ko hirugarren hiruhilekoan baino lau hamarren handiagoa.
Eskaintzaren ikuspegitik, 2014ko laugarren hiruhileko urte arteko hazkundea zerbitzuek jokaera hobea izan dutelako izan da.
Enplegua, dedikazio osoko baliokidetzako lanpostuetan neurtuta, %0,5 gehitu da hiruhileko artean, hirugarrenean baino lau hamarren gehiago. Urte artean, %1,0ko gehikuntza laugarren hiruhileko honetan; 2014ko hirugarren urte arteko positiboa jarraian. Tasa hau aurreko hiruhilekoa baino bost hamarren handiagoa da.
2014 osoan, BPGren lehen zenbatespena %1,1eko hazkundea da, bi urtez atzera joan ondoren. Enpleguan, aurreneko aldiz 2008tik, hazkuntza, %0,3, bost urtez tasa negatiboak izan ondoren.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEKo Hiruhilekoko kontu ekonomikoen aurrerapenaren gaineko prentsa-ohar gehiago
Euskal AEKo Hiruhilekoko kontu ekonomikoen aurrerapenaren gaineko datu-bankua