HomeGaiakIndustria produkzioaren indizea (IPI)Prentsa Oharrak Euskal Aeko industri...

2015/03/04ko prentsa-oharra

INDUSTRIA-PRODUKZIOAREN INDIZEA, 2015eko URTARRILA

Euskal Aeko industri jarduera %3,0 gehitu zen 2015eko urtarrilean

Aurreko hilarekin alderatuta %0,5 gehitu zen

Eustatek landutako datuen arabera, 2015eko urtarrilean %3,0 gehitu zen Euskal AEko industri produkzioa lan-egutegiko baldintza homogeneoetan, 2014ko hil beraren aldean. Urtaroen eragina zuzenduta, %0,5 gehitu zen Euskal AEko industri produkzioa, 2014ko abenduarekin alderatuta.

2015eko urtarrilean, 2014koaren aldean: Energian %12,0ko hazkundea; Bitarteko ondasunetan %1,5, Kontsumokoetan %9,0. Azken hauen barruan, Iraunkorretan %22,1, Ez-iraunkorretan %4,9. Ekipo ondasunen indizea %3,1 jaitsi zen.

2014ko abenduaren aldean, 2015eko urtarrileko hil arteko aldakuntza positiboa izan da industri sektore handi gehienetan. Energia %11,4 gehitu da, Bitarteko ondasunak %3,4; Kontsumo-ondasunak %3,9. Azken horien barruan, Kontsumo-ondasun iraunkorrak %4,9 gehitu eta ez-iraunkorrak %3,6. Ekipo ondasunak %7,9 jaitsi.

Euskal industriako pisurik handieneko sektoreen artean, hazkunderik handienak 2015eko urtarrilean, urte artean: Energia elektrikoa gasa eta lurruna %9,2 gehitu da; Elikagai industriak, edariak eta tabakoa %4,6; Metalurgia eta metalezko produktuak %3,3.

1. taula. Euskal AEko Industria-produkzioaren indizea. Sektore nagusiak. Urte arteko aldakuntza-tasak. A-38 sektorizazioa. Behin-behineko datuak
Iturria: Eustat. Euskal AEko Industria-produkzioaren indizea (IPI)

Jaitsierarik handienak urte artean: Garraio materiala %6,7; Makineria eta ekipoa %5,9.

Urtarrileko Industri Produkzioaren Indizearen urte arteko bilakaera negatiboa izan da Araban, %-6,8. Bizkaian %6,1 gehitu; Gipuzkoan %5,2. Hil artean, 2014ko abenduaren aldean: Araban %-0,4, Bizkaian %+1,4, Gipuzkoan %+0,1.