2015/02/27ko prentsa-oharra
Euskal AEko eraikuntza-kostuak % 0,2 garestitu ziren 2015eko urtarrilean, aurreko hilarekin alderatuta
Iazko urtarrilarekin konparatuta, eraikuntza-kostuak % 0,7 txikitu dira
Euskal AEko Eraikuntza kostuen Indizea % 0,2 handitu zen 2015eko urtarrilean, aurreko hilarekin alderatuta. Bestalde, hil horretako urtez urteko tasa % 0,7 txikitu zen, EUSTATek emandako datuen arabera.
Aurreko hilekoaren aldean, ez da aldatu eskulanaren kostua, baina lehengaien kostuak % 0,3 handitu dira.
Azpisektoreka, etxegintzak eta obra zibilak bilakabide ezberdina izan dute lehengaien kostuei dagokienez aurreko hilarekin alderatuta; izan ere, eraikuntzako lehengaiak % 0,4 handitu dira eta obra zibilekoak, berriz, % 0,3 txikitu. Bi azpisektore horien urte arteko bilakaerari dagokionez, zeinu berekoak dira. Eraikuntzako lehengaien kostuak % 0,5 jaitsi dira eta obra zibilekoak, aldiz, % 3,6.
Sektoreak kontsumitu dituen lehengaietako batzuen urteko prezioak garestitu egin dira 2014ko urtarrilekoekin alderatuz. Nabarmentzekoak dira material elektronikoaren sektorekoak (% 1,8ko hazkundea), zuraren industriakoak (% 1,6ko hazkundea) etametalurgiarenak (% 1,2ko hazkundea). Aitzitik, beste sektore batzuetako lehengaien prezioak txikitu egin dira hamabi hilabete hauetan. Aipatzekoak dira petrolioaren finketaren sektorekoak (% 28,6 txikiagoak), industria kiminoarenak (% 2,5 txikiagoak) eta kautxu eta plastikoarenak (% 1,4 txikiagoak).
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Eraikuntzako kostuen indizeari buruzko prentsa-ohar gehiago (EEKI)
Euskal AEko Eraikuntzako kostuen indizeari buruzko datu-bankua (EEKI)