2015/02/23ko prentsa-oharra

ERAIKUNTZAREN KOIUNTURAREN INDIZEA, 2014/IV

Euskal AEko eraikuntzaren sektorea %2,0 murriztu zen 2014ko laugarren hiruhilekoan

Obra Zibila %7,5 gehitu da 2014 osoan, bost urtez tasa negatiboak izan ondoren

Eustaten datuen arabera, 2014ko laugarren hiruhilekoan, lan egutegi homogeneoan eta urte artean %2,0 nominala murriztu zen Euskal AEko eraikuntza jarduera.

Urtaroen eragina zuzendu eta gero, 2014ko laugarren hiruhilekoan eraikuntza sektorea %0,1 murriztu zen, hirugarrenaren aldean.

Eraikuntza sektorearen jaitsiera Etxegintza azpisektoreari zor izan zitzaion, urte arteko %4,3ko jaitsiera izan baitzuen; Obra zibilean, %11,6ko gehikuntza.

Hiruhilekoen artean, 2014ko laugarren hiruhileko sektoreko jarduera aurrekoarekin alderatuz gero, Etxegintzak bilakaera negatiboa du, %0,8; Obra Zibilak %3,3ko gehikuntza.

Eraikuntzako enplegua %0,7 gehitu zen 2014ko laugarren hiruhilekoan hirugarrenaren aldean.

Urteko balantzea

2014 osoan, Eraikuntzaren koiunturaren indizea %3,5 murriztu da aurreko urtearen aldean, baina bi azpisektoreek oso bestela jokatu zuten. Etxegintza %5,3 murriztu zen, tasa negatiboak zazpi urtez; Obra Zibilean %7,5eko igoera 2013aren aldean, bost urtez beherakadak izan ondoren.

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEko Eraikuntzaren koiunturaren indizea (EKI); prentsa ohar gehiago Euskal AEko Eraikuntzaren koiunturaren indizea (EKI); datu-bankua