2015/04/30ko prentsa-oharra

ERAIKUNTZAKO KOSTUEN INDIZEA. 2015eko martxoa

Euskal AEko eraikuntza kostuak %0,2 gehitu ziren 2015eko martxoan aurreko hilaren aldean

2014ko martxoaren aldean eraikuntza gastuak %0,5 gutxitu ziren

2015eko martxoan, Euskal AEko Eraikuntza Kostuen Indizea %0,2 gehitu zen, aurreko hilaren aldean, eta urte arteko tasa %0,5 gutxitu, EUSTATen datuen arabera.

Aurreko hilaren aldean, lan-eskuaren kostua ez da aldatu (%0,0); lehengaien kostuak %0,3 gehitu dira.

Martxoan Etxegintza eta Obra Zibila azpisektoreek zeinu bereko bilakaera izan zuten lehengaien kostuan. Etxegintzaren atalean %0,2ko igoera aurreko hilaren aldean, eta Obra Zibilarenean %0,6. Bi azpisektore horien urte arteko bilakaeran zeinu bera eta intentsitate ezberdinak ditugu. Etxegintzaren lehengaien kostuak %0,4 merketu ziren, Obra zibilarenak %2,5.

Sektoreak kontsumitutako lehengaien artean urte artean (2015eko martxoa 2014koaren aldean) prezio hazkunderik handienak: Zurgintza (%2,1), Ez-metalezko industria (%0,9), Energia elektrikoa eta gasa (%0,8). Prezio jaitsierarik handienak azken hamabi hiletan: Petrolio-fintzea (%-18,0), Industria kimikoa (%-2,1), Kautxu eta plastikoa (%-1,3).

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEko Eraikuntzako kostuen indizeari buruzko prentsa-ohar gehiago (EEKI) Euskal AEko Eraikuntzako kostuen indizeari buruzko datu-bankua (EEKI)