2015/09/02ko prentsa-oharra

ERAIKUNTZAKO KOSTUEN INDIZEA (EEKI) 2015EKO UZTAILA

Euskal AEko eraikuntzaren kostuak %0,1 gehitu ziren 2015eko uztailean aurreko hilaren aldean

2014ko uztailaren aldean %0,5 gutxitu

2015eko uztailean, Euskal AEko Eraikuntza Kostuen Indizea %0,1 gehitu zen, aurreko hilaren aldean; urte arteko tasan %-0,5, EUSTATen datuen arabera.

Aurreko hilaren aldean, lan-eskuaren kostua ez da aldatu (%0,0); lehengaien kostuak %0,2 gehitu dira.

Uztailean Etxegintza eta Obra Zibila azpisektoreek bilakaera ezberdina izan zuten lehengaien kostuetan, aurreko hilaren aldean. Etxegintzaren atalean %+0,2, Obra Zibilarenean %-0,2. Bi azpisektore horien urte arteko bilakaeran zeinu negatiboa eta intentsitate ezberdinak. Etxegintzaren lehengaien kostuak %0,3 jaitsi, Obra zibilarenak %2,6.

Sektoreak kontsumitutako lehengaietan urte artean (2015eko uztaila 2014koaren aldean) prezio hazkunderik handienak: Zurgintza (%3,0), Altzarien fabrikazioa (%1,3), Material elektronikoa (%1,1). Prezio jaitsierarik handienak azken hamabi hiletan: Petrolio-fintzea (%-19,8), Industria kimikoa (%-1,2), Ez-metalezko industria (%-0,8),

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEko Eraikuntzako kostuen indizeari buruzko prentsa-ohar gehiago (EEKI) Euskal AEko Eraikuntzako kostuen indizeari buruzko datu-bankua (EEKI)