2015/09/04ko prentsa-oharra
(Ohar hau berrikusi egin da, izan ere akats bat bazen egutegi- eta urtaro-eraginen zuzenketan)
Euskal AEko industri jarduera %3,2 gehitu zen 2015eko uztailean
Industri Produkzioaren Indizeak %3,2ko gehikuntza izan du 2015eko lehen zazpi hiletan
Eustaten datuen arabera, 2015eko uztailean %3,2 gehitu zen Euskal AEko industri produkzioa lan-egutegiko baldintza homogeneoetan, 2014ko hil beraren aldean. 2015eko lehen zazpi hiletan %3,2ko hazkundea.
Urtaroen eragina zuzenduta, %0,9 jaitsi zen Euskal AEko industri produkzioa, 2015eko ekainaren aldean.
2015eko uztailean, 2014koaren aldean: Kontsumo ondasunetan %5,5eko gehikuntza; hauen barruan iraunkorretan %23,7ko gehikuntza eta ez-iraunkorretan %1,4ko jaitsiera. Ekipo-ondasunetan %6,4ko gehikuntza, Energian %10,4koa eta Bitarteko ondasunetan %0,7ko jaitsiera.
2015eko uztailean, ekainaren aldean: Energia %3,9 gehitu; Kontsumo ondasunak %1,3. Azken hauen barruan, ez-iraunkorrak %2,6 gehitu, iraunkorrak %1,6 jaitsi. Bitarteko ondasunak %2,1 jaitsi, Ekipo ondasunak %1,9.
Euskal industriako pisurik handieneko sektoreen arteko hazkundeak, 2015eko uztailean, urte artean: Makineria eta ekipoa %10,7; Energia elektrikoa, gasa eta lurruna %10,1; Zura, papera eta arte grafikoak %4,7.
Jaitsierak: Kautxu eta plastikoan %4,0, Metalurgia eta metalezko produktuetan %3,1.
Lurraldeetan, Industri Produkzioaren Indizearen uztaileko urte arteko bilakaera positiboa izan da hiruretan: Bizkaian %6,6; Araban %1,7; Gipuzkoan %0,8. Hil arteko hazkunde-tasak negatiboak izan dira hiru lurraldeetan: Bizkaian %1,6 jaitsi; Araban %0,5; Gipuzkoan %0,3, 2015eko ekainaren aldean.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Industria-produkzioaren indizeari (IPI) buruzko prentsa-ohar gehiago
Euskal AEko Industria-produkzioaren indizeari (IPI) buruzko datu-bankua