HomeGaiakIndustria produkzioaren indizea (IPI)Prentsa Oharrak Euskal AEko industri...

2015/08/06ko prentsa-oharra

INDUSTRIA-PRODUKZIOAREN INDIZEA. 2015eko ekaina

Euskal AEko industri jarduera %5,6 gehitu zen 2015eko ekainean

Industri Produkzioaren Indizeak %3,1eko gehikuntza izan du 2015eko lehen seihilekoan

Eustaten datuen arabera, 2015eko ekainean %5,6 gehitu zen Euskal AEko industri produkzioa lan-egutegiko baldintza homogeneoetan, 2014ko hil beraren aldean.

Urteko lehen sei hilabeteetan industri jarduera %3,1 gehitu da, aurreko urteko aldi beraren aldean.

Urtaroen eragina zuzenduta, %0,3 murriztu zen Euskal AEko industri produkzioa, 2015eko maiatzaren aldean.

2015eko ekaineko indizearen bilakaerak, 2014koaren aldean, aldakuntza positiboak izan ditu industriaren lau sektore handietan. Kontsumo-ondasunak %5,4 gehitu dira guztira; Kontsumo-ondasun iraunkorrak %+30,8, ez-iraunkorrak %-2,8. Ekipo-ondasunak %11,1 gehitu, Energia %1,9, Bitarteko ondasunak %4,2.

Hil artekoa, 2015eko ekaina maiatzaren aldean, positiboa izan da Ekipo-ondasunetarako (%0,6) eta Bitarteko ondasunetarako (%0,2). Kontsumo-ondasunak %3,1 jaitsi dira guztira; Kontsumo-ondasun ez-iraunkorrek (%-5,0) izandako jaitsieragatik; Kontsumo-ondasun iraunkorrak %2,0 gehitu ziren. Energia %0,7 jaitsi da.

Euskal industriako pisurik handieneko sektoreen arteko hazkundeak 2015eko ekainean, urte artean: Garraio materialean %11,8; Makineria eta ekipoan %8,7; Zurgintza, paper eta arte grafikoetan %6,6.

Urte arteko jaitsierak: Energia elektrikoa, gasa eta lurruna, %-2,1; Kautxu eta plastikoak, %0,0.

Industri Produkzioaren Indizearen ekaineko urte arteko bilakaera positiboa izan da hiru lurraldeetan. Araban %2,8; Gipuzkoan %3,7; Bizkaian %9,0. Hil artean, 2015eko maiatzaren aldean: Araban %-2,2, Bizkaian %-0,6, Gipuzkoan %+1,1.

2. taula. Euskal AEko Industria-produkzioaren indizea. Aldakuntza-tasak. Behin-behineko datuak. 2015eko ekaina
Iturria: Eustat. Industria-produkzioaren indizea