HomeGaiakHotel establezimenduakPrentsa Oharrak Euskal AEko hotel-establezimenduetako...

2015/11/20ko prentsa-oharra

ESTABLEZIMENDU TURISTIKO HARTZAILEEN INKESTA. 2015eko urria

Euskal AEko hotel-establezimenduetako bidaiari-sarrerak %11,2 gehitu ziren 2015eko urrian

Gaualdiak %9,9 gehitu dira aurreko urteko hil beraren aldean

2015eko urrian, 255.487 bidaiari-sarrera erregistratu ziren Euskal AEko hotel-establezimenduetan, aurreko urteko hil berean baino 25.820 gehiago, %11,2ko gehikuntza, Eustaten datuen arabera. Bidaiari-sarrerak %15 gehitu ziren Bizkaian, %9,8 Gipuzkoan, %3,2 Araban.

Gaualdiak, 2015eko urrian, 480.965; aurreko urtekoan baino 43.150, %9,9, gehiago. Gaualdiek urte batetik bestera bilakaera positiboa izan dute hiru lurraldeetan: Bizkaian %12,5, Gipuzkoan %9,0, Araban %3,4.

1. taula.- Euskal AEko hotel-establezimenduetako gaualdiak, bidaiarien sarrerak, batez besteko egonaldia eta betetze-maila. 2015eko urria
Iturria: Eustat. Establezimendu turistiko hartzaileen inkesta

Estatuko bidaiariak %10,5 gehitu dira iazko urriaren aldean Euskal AEn, atzerrikoak %12,5. Araban estatukoak %2,3 gehitu dira, atzerritarrak %5,9. Bizkaian estatukoak %12,6 gehitu eta atzerritarrak %19,4. Gipuzkoan estatukoak %11,8 gehitu eta atzerritarrak %7,2.

Batez besteko egonaldia, urrian, 1,88 egun, 2014koan 1,91 zelarik. Araban lehengo urteko 1,76 egunetik aurtengora berdinean gaude; Bizkaian 1,92tik 1,88ra laburtu; Gipuzkoan aurreko urtean bezalatsu: 1,94tik 1,93ra.

Plazakako betetze-maila ehuneko 4,4 puntuz handitu da Euskal AE osoan, 2014ko urriko %50,3tik aurtengo %54,7ra. Araban ehuneko 1,5 puntuz gehitu da, %43,8tik %45,3ra. Bizkaian ehuneko 4,8 puntuz gehitu da, 2014ko urriko %50,8tik aurtengo %55,6ra. Gipuzkoan ehuneko 5,2 puntuz gehitu, 2014ko urriko %52,5etik aurtengo %57,6ra.

Gelakako betetze-maila ehuneko 3,8 puntuz gehitu da Euskal AE osoan; okupazioa, %67,6. Araban ehuneko 0,8 puntuz gehitu, %56,1era; Bizkaian 4,3z gehitu, %71,0ra; Gipuzkoan 4,4z gehitu, %68,1era.

Plazakako hotel-okupaziorik handienak urrian Donostian (%67,2), Bilbon (%64,1), Arabako Errioxan (%60,5).

Asteko eguna aintzat hartuta, 2015eko urrian, Euskal AE osoan, okupaziorik handiena (%66,4) aste-bukaeretan; %49,1 lanegunetan.

Landa-ostatuetako sarrerak %13,0 gehitu dira eta gaualdiak %21,5

Euskal AEko landa-ostatuetan 11.935 bidaiari-sarrera erregistratu ziren urrian, %13,0 gehiago aurreko urteko hil beraren aldean. Araban %0,2ko gehikuntza sarreretan; Bizkaian %28,1; Gipuzkoan %10,2. Atzerritarren sarreretan %15,2ko jaitsiera aurreko urtekoen aldean; sarrera guztien %13,6. Estatuko bidaiarien sarrerak %17,4 gehitu.

Euskal AEko landa-establezimenduetan urrian 25.410 gaualdi erregistratu ziren, aurreko urteko hil beraren aldean %21,5eko gehikuntza. Gehikuntzak denetan: Bizkaian %36,4; Araban %26,4; Gipuzkoan %11,6.

Plazakako betetze-maila, %20,8, ehuneko 3,3 puntu gehiago 2014ko urrian baino. Araban ehuneko 3,5 puntu gehiago, betetze-maila %20,5. Bizkaian betetze-maila %21,2, ehuneko 5,2 puntu gehiago 2014ko urriaren aldean; Gipuzkoan 2 puntu gehiago, %20,8. Bidaiariko batez besteko egonaldia luzatu egin zen Euskal AE osoan, 2014ko urriaren aldean: duela urtebete 1,98 egun; aurtengoan 2,13.

2. taula.- Euskal AEko landa-establezimenduetako gaualdiak, bidaiarien sarrerak, batez besteko egonaldia eta betetze-maila. 2015eko iraila
Iturria: Eustat. Establezimendu turistiko hartzaileen inkesta