HomeGaiakHotel establezimenduakPrentsa Oharrak Euskal AEko hotel-establezimenduetako...

2015/12/18ko prentsa-oharra

ESTABLEZIMENDU TURISTIKO HARTZAILEEN INKESTA. 2015eko azaroa

Euskal AEko hotel-establezimenduetako bidaiari-sarrerak %5,4 gehitu ziren 2015eko azaroan

Gaualdiak %6,8 gehitu dira aurreko urteko hil beraren aldean

2015eko azaroan, 185.845 bidaiari-sarrera erregistratu ziren Euskal AEko hotel-establezimenduetan, aurreko urteko hil berean baino 9.496 gehiago, %5,4ko gehikuntza, Eustaten datuen arabera. Bidaiari-sarrerak %9,8 gehitu dira Gipuzkoan eta %7,7 Bizkaian; %10,3 jaitsi Araban.

Gaualdiak, 2015eko azaroan, 342.961, aurreko urtekoan baino 21.962, %6,8, gehiago. Gaualdiak urte artean %9,9 gehitu dira Gipuzkoan eta %9,1 Bizkaian; %7,0 jaitsi Araban.

1. taula.- Euskal AEko hotel-establezimenduetako gaualdiak, bidaiarien sarrerak, batez besteko egonaldia eta betetze-maila. 2015eko azaroa
Iturria: Eustat. Establezimendu turistiko hartzaileen inkesta

Estatuko bidaiariak %6,8 gehitu dira iazko azaroaren aldean Euskal AEn; atzerrikoak %1,9. Araban estatukoak %13,3 gutxitu dira eta atzerritarrak %4,5 gehitu. Bizkaian estatukoak %11,1 gehitu eta atzerritarrak 2014ko azaroan bezalaxe (%0,0). Gipuzkoan estatukoak %12,5 gehitu eta atzerritarrak %3,5.

Batez besteko egonaldia azaroan 1,85 egun, 2014koan 1,82 zelarik. Araban lehengo urteko 1,68 egunetik aurtengo 1,74ra luzatu; Bizkaian 1,86tik 1,88ra luzatu; Gipuzkoan aurreko urtean bezala, 1,84.

Plazakako betetze-maila ehuneko 2,1 puntuz handitu da Euskal AE osoan, 2014ko azaroko %39,0tik aurtengo %41,0ra. Araban ehuneko 2,5 puntuz jaitsi, %37,5etik %35era. Bizkaian ehuneko 2,3 puntuz gehitu, 2014ko azaroko %39,8tik aurtengo %42,0ra. Gipuzkoan ehuneko 3,7 puntuz gehitu, 2014ko azaroko %38,7tik aurtengo %42,4ra.

Gelakako betetze-maila ehuneko 2,9 puntuz gehitu da Euskal AE osoan; okupazioa, %53,1. Araban ehuneko 2 puntuz gutxitu, %45,7ra; Bizkaian 3,4z gehitu, %56,4ra; Gipuzkoan 4,3z gehitu, %52ra.

Hotel-okupaziorik handienak azaroan Donostian (%48,8), Bilbon (%48,5), Arabako Errioxan (%42,6).

Asteko eguna aintzat hartuta, 2015eko azaroan okupaziorik handiena (%55,9) aste-bukaeretan; %35,6 lanegunetan.

Landa-ostatuetako sarrerak %11,3 gehitu dira eta gaualdiak %9,6

Euskal AEko landa-ostatuetan 7.823 bidaiari-sarrera erregistratu ziren azaroan, aurreko urteko hil berean baino %11,3 gehiago. Araban %19,5eko gehikuntza; Bizkaian %9,8; Gipuzkoan %8,8. Atzerritarren sarreretan %28,4ko jaitsiera aurreko urtekoaren aldean; sarrera guztien %6,4. Estatuko bidaiarien sarrerak %15,8 gehitu.

Euskal AEko landa-establezimenduetan azaroan 17.245 gaualdi erregistratu ziren, aurreko urteko hil beraren aldean %9,6ko gehikuntza. Araban %-7,5; Bizkaian %+1,3; Gipuzkoan %+23,6.

Plazakako betetze-maila, %14,6, ehuneko puntu 1 gehiago 2014ko azaroan baino. Araban ehuneko 1,7 puntu gutxiago, betetze-maila %13,2. Bizkaian betetze-maila %13,9, ehuneko 0,1 puntu gehiago 2014ko azaroaren aldean; Gipuzkoan 2,7 puntu gehiago, %15,7. Bidaiariko batez besteko egonaldia laburtu egin da Euskal AE osoan, 2014ko azaroaren aldean: duela urtebete 2,24 egun; aurtengoan 2,20.

2. taula.- Euskal AEko landa-establezimenduetako gaualdiak, bidaiarien sarrerak, batez besteko egonaldia eta betetze-maila. 2015eko azaroa
Iturria: Eustat. Establezimendu turistiko hartzaileen inkesta