2016/04/26ko prentsa-oharra

ERAIKUNTZAKO KOSTUEN INDIZEA 2016-MARTXOA

Euskal AEko eraikuntza kostuak %0,1 jaitsi ziren 2016ko martxoan aurreko hilaren aldean

2015eko martxoaren aldean %0,4 gutxitu

2016ko martxoan, Euskal AEko Eraikuntzaren Kostuen Indizea %0,1 jaitsi zen, aurreko hilaren aldean, eta urte arteko tasa %0,4, Eustaten datuen arabera.

Aurreko hilaren aldean, lan-eskuaren kostua ez da aldatu (%0,0); lehengaien kostuak %0,2 gutxitu.

Martxoan Etxegintza eta Obra Zibila azpisektoreek zeinu ezberdindun bilakaera lehengaien kostuan. Etxegintzan %0,2ko jaitsiera aurreko hilaren aldean, eta Obra Zibilean %0,2ko gehikuntza. Azpisektoreon urte artekoan zeinu bera, indar ezberdin. Etxegintzaren lehengaien kostuak %0,3 jaitsi, Obra zibilarenak %3,8.

Sektoreak kontsumitutako lehengaien artean urte artean (2016ko martxoa 2015ekoaren aldean) prezio hazkunderik handienak: Material elektrikoa (%2,7), Zurgintza (%1,9), kautxu eta plastikoa (%1,1). Prezio jaitsierarik handienak azken hamabi hiletan: Petrolio-fintzea (%-27,1), Metalurgia (%-9,4), Energia elektrikoa eta gasa (%-2,1).

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEko Eraikuntzako kostuen indizeari buruzko prentsa-ohar gehiago (EEKI) Euskal AEko Eraikuntzako kostuen indizeari buruzko datu-bankua (EEKI)