2016/05/31ko prentsa-oharra

LANA, FAMILIA ETA NORBERAREN BIZITZA BATERATZEARI BURUZKO INKESTA (2015)

Biztanle okupatuen heren batek dio oso zaila dela lana, seme-alabekikoa eta mendekoekikoa bateratzea.

Biztanle okupatuen heren batek irteteko ordutegi malgua du

Euskal AEko pertsona okupatuen %32k dio oso zaila dela lana eta mendekoekikoa bateratzea; berdin (%31,2) adin txikikoekikoaz, Eustaten arabera. Okupatuen %4,4k dio lana eta jarduera pertsonalak bateratzea oso zaila dela.

Lanaz eta seme-alabekikoaz ari garela, gizonen %72,7k dio zail samarra edo oso zaila dela bateratzea, eta emakumeen %62,8k; bada alderik.

Etxetik kanpo lanean ari diren emakumeek 4,5 ordu ematen dituzte egunean 15 urte baino gutxiagoko seme-alabak zaintzen, gizonek 2,9. Mendeko pertsonak zaintzen gizonek 1,5 ordu egunean eta emakumeek 2,1; aldea, txikiagoa.

Emakume okupatuen erdiak 5 ordu edo gehiago pasatzen ditu egunero seme-alabak zaintzen. %14,7k denbora horixe ematen dute mendekoak zaintzen. Gizon okupatuen erdiak 2 ordu edo gutxiago pasatzen ditu seme-alabak zaintzen.

2010eko datuen aldean, seme-alabak zaintzen 5 ordu edo gehiago pasatzen dituzten emakumeen portzentajea lehengoan da; mendeko pertsonekikoan, 2010eko %36,6tik 2015eko %14,7ra.

Euskal AEko okupatuen artean etxeko lanak banatzean ez dago parekotasunik: Gizonen %91,3k 2 ordu edo gutxiago pasatzen ditu; emakumeen %28,3k 3 edo gehiago.

Emakume okupatuen %14,9 ez dago batere gustura bikotekideak etxean egindakoarekin. Gizon okupatuen %70,4, berriz, oso gustura dago bikotekideak eginikoarekin.

Emakume langileen gogobetetasuna seme-alabak zaintzen (handia, %60tan), baita etxeko lanekin ere (%44,9tan), gizonenen gainetik da (%49,2, %41,3).

Biztanle okupatuen portzentaje esanahitsu bat lanaldia luzatu beharrean egoten da. Noizbait, %20,1; ia beti, %17,5. Gizonak: Noizbait, %21,1; ia beti, %19,6. Emakumeak: %18,9, %15. Gizonengan eragin handiagoa.

Irteteko malgutasuna -bateragarritasuna hobetzeko lanabesa- okupatuen herenak du. Etxean bertan,%7,9k noizean behin lan egiten du eta %4,k egun erdietan gutxienez.

Lana, familia eta bizitza pertsonala bateragarri egiteko neurrien artean, lanetik irten ahal izatea okupatu gehien-gehienen eskura dago; soldatarik gabeko egunak okupatuen %54,2k eska ditzakete. Langileen erdi inguruk aise lor ditzake eszedentziak edo lanaldi-murrizketak.

Eszedentziak edo lanaldi-murrizketak sustapen profesionalaren kalterako izango diren beldurra zertxobait handiagoa da emakumeengan (%29,1) gizonengan (%27,6) baino. Emakume okupatuen %18,9k uste du amatasuna kaltegarri izan litekeela sustapenerako; aitatasunaz gizonen %8,8k bakarrik. Halere, bost gizon okupatutako batek uste du aitatasun-baimenak kalte handia lekarkiokeela ibilbide profesionalari.

Okupatuek nahiago dute soldatako izan (%83,1) autonomo (%16,9) baino; enpresa handia (%56,5) txikia (%43,5) baino eta sektore publikoa (%52,9) pribatua (%47,1) baino.

Emakume okupatuen %15ek, gizonen %2k, inoiz arduratu behar izaten du seme-alabekiko lanaldiaren barruan

Bikotearen bi kideak lanean ari badira, adin txikikoak zaintzea, lanalditik kanpo, %97,3tan bien ardura da; aitarena, bakarka, %0,2tan, eta amarena bakarka %2tan.

Familia-etxe horiexetan, lanaldian zehar seme-alabak medikuarenera eraman behar badira, gaixorik badaude edo eskolarik gabe, bi gurasoak (%61,1etan) arduratzen dira; %20,2tan senideak, ordainketarik jaso gabe; %14,6tan ama; %1,8tan, aita.

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.es Tel.: 945 01 75 62 Lana, familia eta norberaren bizitza uztartzeari buruzko inkesta (LBU). Prentsa-ohar gehiago Lana, familia eta norberaren bizitza uztartzeari buruzko inkesta (LBU).Datu-bankua