HomeGaiakHotel establezimenduakPrentsa Oharrak Euskal AEko hotel-establezimenduetako...

2016/06/22ko prentsa-oharra

ESTABLEZIMENDU TURISTIKO HARTZAILEEN INKESTA 2016KO MAIATZA

Euskal AEko hotel-establezimenduetako bidaiari-sarrerak %6,5 gehitu ziren 2016ko maiatzean

Atzerritarrak (%12,4) ia bi aldiz gehiago gehitu dira aurreko urteko hil beraren aldean

2016ko maiatzean, 260.619 bidaiari-sarrera erregistratu ziren Euskal AEko hotel-establezimenduetan, aurreko urteko hil berean baino 16.019 gehiago, %6,5eko gehikuntza, Eustaten datuen arabera. Bidaiari-sarrerak %12,5 gehitu dira Gipuzkoan, %4,1 Bizkaian; %1,7 jaitsi Araban.

Gaualdiak, 2016ko maiatzean, 494.385, aurreko urtekoan baino 38.593, %8,5, gehiago. Gaualdiak gehitu, urte batetik bestera, hiru lurraldeetan: Gipuzkoan %11,1, Bizkaian %8,2, Araban %1,4.

1. taula.- Euskal AEko hotel-establezimenduetako gaualdiak, bidaiarien sarrerak, batez besteko egonaldia eta betetze-maila. 2016ko maiatza
Iturria: Eustat. Establezimendu turistiko hartzaileen inkesta

Estatuko bidaiariak %2,3 gehitu dira aurreko urteko maiatzaren aldean Euskal AEn, atzerrikoak %12,4. Araban estatukoak %7,3 gutxitu eta atzerritarrak %12,4 gehitu. Bizkaian estatukoak %2,1 gehitu; atzerritarrak %7,1. Gipuzkoan estatukoak %7,5 gehitu, atzerritarrak %17,6.

Batez besteko egonaldia, maiatzean, 1,90 egun, 2015ekoan 1,86 zelarik. Araban lehengo urteko 1,73 egunetik aurtengo 1,78ra luzatu; Bizkaian 1,86tik 1,93ra luzatu; Gipuzkoan 1,92tik 1,90ra laburtu.

Plazakako betetze-maila ehuneko 3,4 puntuz handitu da Euskal AE osoan, 2015eko maiatzeko %52,4tik aurtengo %55,8ra. Araban ehuneko 0,8 puntuz gehitu da, %42,6tik %43,4ra. Bizkaian ehuneko 2,7 puntuz gehitu, 2015eko maiatzeko %52,4tik aurtengo %55,1era. Gipuzkoan ehuneko 5,3 puntuz gehitu, 2015eko maiatzeko %56,6tik aurtengo %62,0ra.

Gelakako betetze-maila ehuneko 5 puntuz gehitu da Euskal AE osoan, %70,2ra. Araban ehuneko 3,2 puntuz gehitu, %56,7ra; Bizkaian 3,7z, %72,2ra; Gipuzkoan 7,1ez, %73,3ra.

Hotel-okupaziorik handienak maiatzean Donostian (%69,9), Gipuzkoako kostaldean (%64,6), Bilbon (%63,4).

Asteko eguna aintzat, 2016ko maiatzean okupaziorik handiena (%67,4) aste-bukaeretan; %51,7 lanegunetan.

Bizkaian, gelakako betetze-maila Makina-erremintaren bi urtekoan, %84,8, lehen bi egunetan

Bizkaian, Makina-erremintaren bi urtekoan, 7.593 bidaiari-sarrera maiatzaren 30 eta 31n. Aldi horretan, 15.126 gaualdi Bizkai osoan; gelakako betetze-maila %84,8.

Bilbon, 4.984 sarrera eta 9.949 gaualdi; gelakako betetze-maila %93,4, maiatzaren 30 eta 31n.

Landa-ostatuetako bidaiari-sarrerak %8,1 gehitu, gaualdiak %10,7 2016ko maiatzean

Euskal AEko landa-ostatuetan 13.037 bidaiari-sarrera erregistratu ziren maiatzean, %8,1 gehiago aurreko urteko hil beraren aldean. Araban %33,2ko gehikuntza sarreretan, Gipuzkoan %11,1; Bizkaian %9,6ko jaitsiera. Atzerritarren sarreretan %5,2ko gehikuntza aurreko urtekoen aldean; sarrera guztien %20,6. Estatuko bidaiarien sarrerak %8,9 gehitu.

Euskal AEko landa-establezimenduetan maiatzean 27.355 gaualdi erregistratu ziren, aurreko urteko hil beraren aldean %10,7ko gehikuntza. Araban %+24,5; Gipuzkoan %+9,6; Bizkaian %+4,9.

Plazakako betetze-maila, %21,8, ehuneko 1,5 puntu gehiago 2015eko maiatzean baino. Araban ehuneko 2,6 puntu gehiago, betetze-maila %18,7. Bizkaian betetze-maila %21,0, ehuneko 1,4 puntu gehiago 2015eko maiatzaren aldean, Gipuzkoan 1,1 puntu gehiago, %23,8.

Bidaiariko batez besteko egonaldia luzatu egin da 2015eko maiatzaren aldean: duela urtebete 2,05 egun; aurtengoan 2,10.

2. taula.- Euskal AEko landa-establezimenduetako gaualdiak, bidaiarien sarrerak, batez besteko egonaldia eta betetze-maila. 2016ko maiatza
Iturria: Eustat. Establezimendu turistiko hartzaileen inkesta