2016/06/02ko prentsa-oharra
Heriotzak %0,4 ugaritu ziren 2015eko laugarren hiruhilekoan Euskal AEn
2015ean ehun urtetik gorako 276 pertsona hil ziren, 227 emakume eta 49 gizon
2015eko laugarren hiruhilekoan, 5.038 heriotza Euskal AEn; aurreko urteko aldi berean baino %0,4 gehiago, Eustaten datuen arabera. Araban 658 lagun hil ziren, Bizkaian 2.745, Gipuzkoan 1.635.
Behin-behineko datuen arabera, 2015ean 20.882 lagun hil ziren, 10.474 emakume, 10.408 gizon. 2014.aren aldean heriotzak %6,7 gehitu.
Lehengo urteko heriotzen artean, 51 urtebetetik beheragoko haurrenak izan ziren: 25 mutiko eta 26 neskato. Ehun urtetik gora hildako 276 pertsonen artean, 227 emakume, 49 gizon. Bizitza nabarmen luzatu da, bereziki emakumeen artean. 2015ean 2014an baino 31 heriotza gehiago izan ziren ehunurtedunenak; 18 gizon, 13 emakume.
Heriotza eragile nagusia 2015ean, tumoreak
2015eko heriotzen %30 (6.256) tumoreek eraginda. Jarraian zirkulazio sistemaren gaixotasunak, %26,6 (5.549 hildako); hirugarren, urrunago, arnas aparatuko gaixotasunek %9,8 eragin zituzten (2.056).
Gizonen artean, tumoreak hilgarriago gertatu ziren zirkulazio-aparatuko gaixotasunak baino, ehuneko ia 12 puntuz; emakume artean, heriotza-kausa nagusia gaixotasun kardiobaskularrak eta tumoreak bigarren, ehuneko 3,6 puntuko aldea.
Hazkunde begetatiboa Araban; beherapena Bizkaian eta Gipuzkoan
2015eko behin-behineko datuekin, Euskal AEn beherapen begetatiboa; 2.131 heriotza gehiago jaiotzak baino. Bizkaian -2.163 pertsona; Gipuzkoan -456; Araban +488.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.es Tel.: 945 01 75 62
Euskal AEKo heriotzen estatistikari buruzko prentsa-ohar gehiago
Euskal AEko heriotzen estatistikari buruzko datu-bankua