2017/02/27ko prentsa-oharra

ERAIKUNTZAKO KOSTUEN INDIZEA 2017KO URTARRILA

Euskal AEn eraikuntzaren kostuak %0,7 igo ziren 2017ko urtarrilean, aurreko hilaren aldean

Aurreko urtearekin alderatuta, 2016ko urtarrilarekin alegia, kostuek ez dute aldaketarik izan (%0,0)

Euskal AEko Eraikuntzaren Kostuen Indizea %0,7 igo zen 2017ko urtarrilean, aurreko hilaren aldean; hilabete horretarako urte arteko tasak, ordea, ez zuen aldaketarik izan (%0,0), EUSTATek emandako datuen arabera.

Aurreko hilarekin alderatuta, eskulanaren kostua %1,0 igo da, lehengaien kostuak %0,6 igo diren bitartean.

Urtarrilean, aurreko hilaren aldean, Eraikuntza eta Obra Zibila azpisektoreek ere eboluzio bera izan dute euren lehengaien kostuan; Eraikuntzan %0,6 igo da kostua, eta Obra Zibilean kontsumitutako lehengaietan %1,0. Urte arteko aldian, bi azpisektore horiek ez dute eboluzio bera izan. Eraikuntzako lehengaien kostuak %0,8 jaitsi dira; Obra Zibilekoak, berriz, %3,0 igo dira.

Kontsumitutako lehengaien prezioen artean, 2017ko urtarrila eta 2016ko urtarrila alderatuta, sektore hauek izan dituzte urteko prezioen igoerarik handienak: Petrolioa fintzea (%47,5), Metalurgia (%4,5) eta Metalezko gaiak (%1,3). Aitzitik, azkeneko hamabi hilabeteetan, sektore hauen lehengaien prezioek behera egin dute: Energia elektrikoa eta gasa (%5,0), Kautxua eta plastikoa (%4,5) eta Ez metalezko meak (%2,1).

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEko Eraikuntzako kostuen indizeari buruzko prentsa-ohar gehiago (EEKI) Euskal AEko Eraikuntzako kostuen indizeari buruzko datu-bankua (EEKI)