2017/05/29ko prentsa-oharra

ERAIKUNTZAKO KOSTUEN INDIZEA 2017ko apirila

Euskal AEko eraikuntza kostuak %0,2 jaitsi ziren 2017ko apirilean aurreko hilaren aldean

2016ko apirilaren aldean %0,7 gehitu

2017ko apirilean, Euskal AEko Eraikuntzaren Kostuen Indizea %0,2 jaitsi zen, aurreko hilaren aldean, eta urte arteko tasa %0,7 gehitu, EUSTATen datuen arabera.

Aurreko hilaren aldean, lan-eskuaren kostua ez da aldatu (%0,0); lehengaien kostuak %0,3 jaitsi.

Apirilean, lehengaien kostuan, Etxegintzaren atalean %0,3ko jaitsiera aurreko hilaren aldean, eta Obra Zibilarenean %0,1ekoa. Urte artekoan: Etxegintzako lehengaien kostuak %0,2 gehitu; Obra zibilekoak %3,3.

Sektoreak kontsumitutako lehengaietan urte artean (2017ko apirila 2016koaren aldean) prezio hazkunderik handienak: Petrolio fintzea %30,9; Metalurgia %10,4; Metalezko artikuluak %2,0. Prezio jaitsierarik handienak azken hamabi hiletan: Kautxu eta plastikoa (%-3,7); Industria kimikoa (%-1,0).Ez-metalezko mineralak (%-0,9).

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEko Eraikuntzako kostuen indizeari buruzko prentsa-ohar gehiago (EEKI) Euskal AEko Eraikuntzako kostuen indizeari buruzko datu-bankua (EEKI)