HomeGaiakMerkataritza indizea azalera handietan eta elikadura kate handietanPrentsa Oharrak Euskal AEko azalera...

2017-07-24ko prentsa-oharra

MERKATARITZA INDIZEA AZALERA HANDIETAN ETA ELIKADURA KATE HANDIETAN (AHEK), 2017KO EKAINA

Euskal AEko azalera handietako eta elikadura-kate handietako salmentak % 4,3 hazi ziren 2017ko ekainean

2017ko lehen seihilekoko balantzea % 2,0ko igoerarekin itxi da

Lan-egutegiko baldintza homogeneoetan, 2017ko ekainean % 4,3ko urte arteko gehikuntza izan zuten Euskal AEko azalera handietako eta elikadura-kate handietako salmentek, prezio finkoetan, Eustatek osatutako azalera handietako eta elikadura-kate handietako indizearen arabera. Maiatzaren aldean, salmentak % 0,6 hazi ziren urtaro-eraginik gabe.

Azalera handietako eta elikadura-kate handietako elikagaien salmentek % 3,9ko gehikuntza izan dute, gainerako salgaienek % 5,1ekoa.

Gehikuntzak hiru lurraldeetan eman dira: Bizkaian % 4,9koa, Gipuzkoan % 3,8koa eta Araban % 3,4koa.

Urteko lehen sei hilabeteetan, Euskal AEko azalera handietako eta elikadura-kate handietako salmentak % 2,0 hazi dira, aurreko ekitaldiko aldi beraren aldean, lan-egutegiko termino homogeneoetan eta prezio finkotan. Epe horretan, azalera handietako eta elikadura-kate handietako elikagaien salmentak % 2,3 hazi dira; gainerako produktuenak % 1,6.

Lurraldeen arabera, Araban, urteko lehen seihilekoan azalera handietako eta elikadura-kate handietako salmentak % 1,1 hazi dira prezio finkoetan eta aurreko urteko aldi berarekin alderatuta; Bizkaian, berriz, % 2,2 hazi dira eta Gipuzkoan % 2,1.

Euskal AEko azalera handietako eta elikadura-kate handietako langileen kopurua % 0,1 murriztu zen 2017ko ekainean maiatzeko datuekin alderatuz, urtaro-eraginik gabe.

1. taula. Euskal AEko azalera handi eta elikadura kate handietako merkataritzaren indizea. Urte arteko eta hile arteko aldakuntza-tasa. Ekaina 2017
Iturria: Eustat. Merkataritza indizea azalera handietan eta elikadura kate handietan (AHEK)