2017/09/08ko prentsa-oharra
Euskal AEko BPGk urte arteko %2,9ko hazkundea izan zuen 2017ko bigarren hiruhilekoan
Enplegua jarduera adar guztietan gehitu da; %2,2 urte artean
2017ko bigarren hiruhilekoan, Euskal AEko BPG %2,9 gehitu da aurreko urteko hiruhileko beraren aldean, Eustaten datuen arabera. 2017ko lehen hiruhilekoaren aldean, %0,9ko gehikuntza, aurrekoan baino bi hamarren gehiago.
2017ko uztailaren 28ko Kontuen Aurrerapenean urte arteko hazkunde bera aurreikusten zen.
Eskaintzaren ikuspegitik, 2017ko bigarren hiruhileko BPGren urte arteko hazkundea jarduera-sektore guztiei zor zaie, lehen sektoreari izan ezik.
Industria, bigarren hiruhilekoan, %2,3 gehitu da urte artean; lehenengoan baino hiru hamarren gehiago. Urte arteko honek puntu bateko gehikuntza dakar hiruhileko artean. Manufaktura industrian %2,8ko gehikuntza urte artean, %0,6 hiruhileko artean.
Zerbitzuetan urte arteko %3,2ko eta hiruhileko arteko %1,1eko hazkundeak. Zerbitzuak %3,2 gehitu dira urte artean; azpisektore guztiak positiboan baina indar ezberdinez: Merkataritza, Ostalaritza eta Garraioa %3,9; Gainerako zerbitzuak (besteren artean, jarduera profesionalak, finantzak eta aseguruak) %2,9; Administrazio Publiko, Hezkuntza, Osasungintza eta Gizarte zerbitzuak %2,7.
Hiruhileko artean, Administrazio Publiko, Hezkuntza, Osasungintza eta Gizarte zerbitzuak %1,8ko gehikuntza; Merkataritza, Ostalaritza eta Garraioak %1,0; Gainerako zerbitzuak %0,8.
Eraikuntzan %2,0ko gehikuntza urte artean, aurreko hiruhilekoan baino hamarren bat gutxiago. Hiruhileko artean, %0,0.
Sektore-agregatuen joerak Balio Erantsiaren urte arteko bilakaera positiboa ekarri du (%2,9); 2017ko lehen hiruhilekoan baino hamarren bat handiagoa. Hiruhileko artean %0,9ko hazkundea.
Eskariaren aldetik, bi gauza aipagarri BPGri buruz. %2,7ko hazkundea Barne Eskarian. Bi osagaiak (Azken kontsumoko gastua, Kapital eraketa gordina) positiboan, apalago aurreko hiruhilekoan baino.
Kanpo sektorean: esportazioak %1,7 gehitu; inportazioak %1,4.
Familia-etxeetako Azken kontsumoaren Gastuan (Kontsumo Pribatua) %3,0ko gehikuntza urte artean, aurreko hiruhilekoan bezalaxe. Hiruhileko arteko tasa, %1,9; aurreko hiruhilekoaren gainetik.
Kontsumo Publikoa (Administrazio Publikoen Azken Kontsumoko Gastua) %1,2 gehitu urte artean eta %4,8 jaitsi hiruhileko artean.
Azken Kontsumoko Gastua (Administrazio Publikoen Azken Kontsumoko Gastua eta Familia-etxeetakoa) %2,7 gehitu da. Aurreko hiruhilekoaren aldean, %0,5eko hazkundea.
Kapital Eraketa Gordina (Inbertsioa) %2,5 gehitu da urte artean, aurreko hiruhilekoan baino lau hamarren gutxiago.
Berriz ere inbertsioaren jokaera indar ezberdindun bi bilakaeratan oinarritzen da. Ekipo-ondasunetan eginiko inbertsioa %4,0 gehitu da urte artean, lehen hiruhilekoan baino gutxiago. Urte arteko honek %0,2ko jaitsiera ekarri du aurreko hiruhilekoaren aldean. Kapital eraketa gordinaren gainerakoak -eraikuntzarekin lotuagoak- %1,8ko gehikuntza urte artean, aurreko hiruhilekoan baino hamarren bat gutxiago.
Guztira, Barne Eskaria %2,7 gehitu da.
Enplegua (lanpostuak Dedikazio Osoko Baliokidetzan neurtuta) %2,2 gehitu da urte artean; ia 20.000 lanpostu gehiago. 2017ko lehen hiruhilekoaren aldean, urte arteko honek %0,8ko hazkundea dakar.
Aurreko urteko hiruhileko beraren aldean, enplegua gehitu egin da jarduera adar guztietan. Aurreko hiruhilekoetan bezala, Zerbitzuetan gehitu da gehien enplegua urte artean, %2,3.
Industrian %1,9 gehitu da enplegua urte artean; eta eraikuntzan %1,8. Lehen sektorean %0,5 urte artean.
Hiruhileko artean: industrian %+0,4; zerbitzuetan %+0,9; lehen sektorean %+7,1; eraikuntzan aldaketarik ez.
Urte artean, BPG %3,1 gehitu da Araban; %2,9 Bizkaian; Gipuzkoan %2,7. Hiruhileko artean, Araba eta Gipuzkoa %1,0; Bizkaiak %0,8.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62