2017/09/05eko prentsa-oharra

ERAIKUNTZAKO KOSTUEN INDIZEA, 2017ko uztaila

Euskal AEko eraikuntzaren kostuak %0,4 gehitu ziren 2017ko uztailean aurreko hilaren aldean

2016ko uztailaren aldean %0,9 gehitu

2017ko uztailean, Euskal AEko Eraikuntza Kostuen Indizea %0,4 gehitu zen, aurreko hilaren aldean, eta urte artekoan %0,9, EUSTATen datuen arabera.

Lan-eskuaren kostua, lehengoan; lehengaien kostuak %0,5 gehitu aurreko hilaren aldean.

Etxegintzako lehengaiak %0,6 garestitu dira uztailean aurreko hilaren aldean; Obra Zibilekoak %0,5. Bi azpisektore hauen urte artekoak: Etxegintzako lehengaien kostuak %0,6 gehitu eta Obra Zibilekoenak %1,8.

Sektoreak kontsumitutako lehengaietan urte artean (2017ko uztaila 2016koaren aldean) prezio hazkunderik handienak: Petrolio fintzea %10,6; Metalurgia %7,4; Ez-metalezko industria %3,5. Prezio jaitsierarik handienak azken hamabi hiletan: Industria kimikoa, eta Energia elektrikoa eta gasa, %-1,6; Material elektronikoa %-0,8.

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62