2017/12/04ko prentsa-oharra

INDUSTRI PRODUKZIOAREN INDIZEA 2017ko URRIA

Euskal AEko industri jarduera %2,6 gehitu zen 2017ko urrian

Industri Produkzioaren Indizeak %2,7ko gehikuntza 2017ko lehen hamar hiletan

EUSTATen datuen arabera, lan-egutegi homogeneoan, Euskal AEko industri produkzioa %2,6 gehitu da 2017ko urrian 2016ko hil beraren aldean. 2017ko lehen hamar hiletan %2,7ko hazkundea, 2016ko aldi beraren aldean.

Urtaroen eragina zuzenduta, %0,7 jaitsi zen industri produkzioa, aurreko hilarekin, 2017ko irailarekin alderatuta.

2017ko urrian, 2016koaren aldean: Bitarteko ondasunetan %5,7ko gehikuntza; Energian %1,1; Ekipoko ondasunetan %0,8; Kontsumo ondasunetan %1,1 jaitsi. Kontsumo ondasun iraunkorrak %7,6 gehitu; ez-iraunkorrak %4,3 jaitsi.

Hil artekoa, 2017ko urrian irailaren aldean, positiboa Bitarteko ondasunetan bakarrik, %0,1. Energia %-2,4; Ekipo ondasunak %-0,9; Kontsumo-ondasunak %-2,8. Iraunkorrak %-2,5; ez-iraunkorrak %-2,9.

Euskal industriako pisurik handieneko sektoreen artean, hazkundeak 2017ko urrian, urte artean: Kautxu eta plastikoa %13,7; Makineria eta ekipoa %7,1; Metalurgia eta metalezko produktuak %7,0. Jaitsierarik handienak urte artean: Zura, papera eta arte grafikoak %-8,5; Material eta ekipo elektrikoa %-4,8; Elikadura industriak, edariak eta tabakoa %-1,8.

Lurraldeetan, urte artean: %1,8 gehitu Araban; %0,8 Bizkaian; %4,9 Gipuzkoan.

Informazio gehiago.

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa zerbitzua: servicioprensa@eustat.eus Tlf: 945 01 75 62