2017/12/14ko prentsa-oharra
I+G ESTATISTIKA BIOTEKNOLOGIAN 2016
Euskal AEn egindako I+G gastuaren %6,6 eta langileen %6,9 bioteknologian 2016an
Administrazio publikoak gastuaren %54,4 finantzatu eta enpresek %33,6
Eustaten datuen arabera, 2016an Euskal AEko I+G barne-gastua Bioteknologiarekin erlazionatutako jardueretan 84,7 milioi, I+G barne gastu osoaren %6,6. Langile enplegatuak, 1.913; 1.235 DOBn (Dedikazio Osoko Baliokidetzan); I+G langile guztien %6,9.
I+G gastua Bioteknologian %1,2 gutxitu da aurreko urtearen aldean; DOB langileak %1,6 gutxiago. Ikertzaileak, 965 (DOB), %-1,3.
Aurreko urteetan bezalaxe, emakume ugari (%60,3) Bioteknologian lanaldi osoan ari direnen artean 2016an.
Bioteknologia-ikerketan 97 erakunde aritu ziren 2016an; haietako 84, enpresak. 97 horietatik, 66k Bioteknologiari eman zioten I+G barne gastuaren erdia baino gehiago.
Barne-gastuaren %62, enpresek egina
Aurreko urteetan bezala, enpresetan da I+G barne gastuaren portzentajerik handiena (%61,6) Bioteknologian; 2015ean %62,2.
Goi-mailako Irakaskuntzak (%30,9) eta Administrazio Publikoak (%7,5), egikaritzen dute 2016ko gainerako gastua (%38,4); portzentaje hau %37,9 izan zen 2015ean.
Administrazio Publikoak Bioteknologia I+Gren %54,4 finantzatzen du
Bioteknologiarekin lotutako barne I+G jarduerak, 2016an, Administrazio Publikoak (%54,4) eta Enpresek (%33,6) finantzatu zituzten nagusiki. Gainerakoa Atzerriko funtsek (%9,1), Goi-mailako Irakaskuntzak (%2,6) eta Irabazi asmorik gabeko erakunde pribatuek (%0,3).
Bioteknologia ikerkuntzatik lortutako produktuak batez ere Giza Osasunean (%76,7) eta Elikaduran (%7,8) aplikatzen dira. Gainerako arloek %15,5 banatzen dute, antzeko portzentajeekin: Animalien osasuna eta akuikultura, Ingurumena, Industria, Nekazaritza eta Baso produkzioa.
Bioteknologiako I+G jardueretarako oztopo nagusiak kapitalerako irisbidea eta denbora/kostua erlazioa
Prozesu eta produktu bioteknologikoak garatu eta merkaturatzeko oztopo nagusiak, 2016an: kapitala lortzea (%90,7); denbora/kostua erlazioa (%90,7); arautze-betekizunak (%82,5).
Informazio gehiago.
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa zerbitzua: servicioprensa@eustat.es Tlf: 945 01 75 62