2017/12/21eko prentsa-oharra
Euskal AEn ari diren enpresen %97,6k hemen dute egoitza
Errotaziorik handiena, Merkataritza, garraioa eta ostalaritza, alten %29,5, bajen %33,1
Euskal AEn 2017ko hasieran 158.086 enpresa ari ziren; %97,6k erkidegoan zuen egoitza, Eustaten arabera. Enpresok 175.393 establezimendutan ari ziren (lantegiak, dendak, bulegoak…); %14,2 Araban; %51,8 Bizkaian; %34,0 Gipuzkoan.
Aurreko urtearen aldean, Administrazio publiko, hezkuntza eta osasungintza sektorean establezimenduak %2,1 gehiago dira; Nekazaritza, abeltzaintza eta arrantzan %1,7; Informazio eta komunikazioetan %1,5; Zerbitzuen beste jardueretan %1,2; Higiezinen jardueretan (%1,1); Jarduera profesional eta lagungarrietan %0,6. Establezimendu gutxiago: Industrian (%-2,6); Finantza eta aseguruetan (%-1,8); Merkataritza, garraioa eta ostalaritza (%-0,9); Eraikuntzan (%-0,6). Guztira, %0,2 establezimendu gutxiago.
Establezimendurik gehien, Merkataritza, garraio eta ostalaritzak, %37,7; Jarduera profesional eta lagungarriak %16,3; Eraikuntzak %11,7.
Establezimenduen tamainaren araberako banaketa, 2016an, aurreko urtean bezalatsu. Apenas 2.385 establezimenduk -%1,4k- dauzkaten 50 langile edo gehiago; hauen enplegua guztiaren %39,9. 129.892 establezimendu, ia hiru laurden, ez dira 3 lanpostura heltzen eta enplegu guztiaren %18,3 bakarrik hartzen dute.
Establezimenduen jarduera-adarraren araberako batez besteko tamainaz, enplegu-kontzentraziorik handiena, bai Euskal AEn, bai lurraldeetan, Industria, energia eta saneamenduan da. Euskal AEn establezimenduko batez besteko tamaina 15,1 enplegu da. Araban 19,2; Gipuzkoan 14,9 eta Bizkaian 13,6.
ENPRESAK
Enpresen (establezimenduen jardueraren euskarri, unitate juridiko) %97,7k Euskal AEn dute egoitza; 3.785ek estatuaren gainerakoan. 79.911 enpresak, erdia pasatxok, Bizkaian dute egoitza; 52.928k (%33,5ek) Gipuzkoan; 21.462ek (%13,6k) Araban.
Enpresen batez besteko tamainak lehengoan dirau: 5,5 okupatu enpresako, 5,0 establezimenduko. Nortasun juridikoan, bada alderik. Nortasun juridikoaren titularra pertsona fisikoa denean, 1,4 enplegu, bai enpresako, bai establezimenduko; gainerako forma juridikoetarako batez besteko horiek 11,4 eta 9,3 pertsona dira, enpresako eta establezimenduko.
ENPRESA-DEMOGRAFIA
Euskal enpresetan baditugu gazte samarrak. Euskal AEn ari direnen %32,7 bost urte zahar da edo gutxiago; bi urte do gutxiagokoak, %17,2.
Establezimendu errotaziorik handienak: Merkataritza, garraioa eta ostalaritza (alta guztien %29,5, bajen %33,1); Jarduera profesional eta lagungarriak (alta guztien %18,4 eta baja guztien %17,1); Eraikuntza (alta guztien %17,6, baja guztien %17,8); guztira 281 establezimendu gutxiago 2016an zehar.
Pertsona Fisikoaren nortasun juridikoarekin sortutako establezimenduetan gertatzen dena azpimarratu behar: alten %65,2 eta bajen %66,3.
Pertsona fisiko diren establezimenduetan dugu enplegatuen alten %36,3 eta bajen %41,9. Sozietate mugatuetan alten %33,3 eta bajen %31,2.
Establezimenduen tamainaren arabera, geruzarik dinamikoena 2 enplegu edo gutxiagokoa da, ohi bezala. Berak bakarrik alta guztien %90,3 eta baja guztien %91,1 hartu ditu.
Establezimendu handien (50 langile edo gehiagokoen) geruzan alten %0,3 eta bajen %0,1, besterik ez. Aldiz, enplegatuen alta guztien %14,9 eta bajen %9,4.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.es Tel.: 945 01 75 62