2018/06/18ko prentsa-oharra

DEMOGRAFIA-PROIEKZIOAK. AGERTOKI DEMOGRAFIKOAK (AD). 2061

Euskal AEk 2061ean 28.800 biztanle gehiago eduki litzake

Egoerarik onenean 251.900 biztanle gehiago eduki litzake eta, migratze-saldoa nulua balitz, 430.000 egoiliar inguru galduko lituzke

2061eko urtarrilaren 1 arte aurreikusten diren bilakaera demografikoko 6 agertokietatik 5etan irabaziko luke biztanlerik Euskal AEk, Eustatek Agertoki Demografikoak 2061 direlakoen arabera dituen datuekin. Erreferentzia-agertokian 28.800 biztanle gehiago lituzke, eta seigarrenak bakarrik du aurreikusten 430.000 biztanleko galera bat baldin eta beteko balitz denbora-tarte osoan migratze-saldo nuluaren hipotesia.

Lehen agertokia da Biztanleriaren Proiekzioak 2031 direlakoen segida bat, Eustatek eginak, eta erreferentzia-markoa da zeinetik artikulatzen diren gainerako agertokiak. Bigarren agertokian konbinatzen dira ugalkortasun altu baten hipotesia, bizi-itxaropen txikienekoa eta emigrazio handi baten hipotesia. Hirugarrenean alderantziz jotzen da: ugalkortasun txikieneko hipotesia, bizitza-luzera handienekoa eta emigrazio baxuago bat. Bi agertoki horien emaitzak antzekoak dira, biztanleriaren guztirakoetan, lehen agertokiarekin erkatuak, baina aski ezberdinak adin-banaketari doakionez.

Laugarren eta bosgarren agertokiak oinarritzen dira lehen agertokiaren hipotesietan ugalkortasun eta hilkortasunean, baina aldatu egiten da lehen agertoki horren migratze-saldoa 2031tik aurrera, hartzen baita kontuan immigrazio-fluxu handiago bat, zeinek ekartzen baititu biztanleria-zifra altuago batzuk data horretatik aurrera. Agertoki horiek erabiltzen dute demografiatik kanpoko irizpide bat balizko immigrazio-beharrak zehazteko: laugarrenean kalkulatzen da beharrezko immigrazioa manten dadin landunen milioi 1eko zifra, eta erabiltzen dira okupazio-tasa batzuk zeinak diren Mendebaldeko Suedian egun daudenen antzekoak (eskualde hori hartu da kontuan Euskal AEren antzekoa delako zenbait ezaugarritan). Bosgarren agertokiak kalkulu berak egiten ditu, baina hartzen du irizpidetzat mantentzea pertsona landun 1eko gehieneko ratioa pertsona langabe bakoitzeko.

Azkenik, agertoki instrumental bat sortu da, seigarrena, zeina oinarritzen baita lehenengo agertokiaren hipotesietan hilkortasun eta ugalkortasunean, baina migrazio-ezako suposizioarekin. Bere helburua da Euskal AEko biztanleriaren hazkunde endogenoaren ahalmena agerraraztea, kontuan edukiz bakarrik aldakuntza naturala (jaiotzak eta heriotzak) migrazio gabe.

Bizkaiak bi egoeratan bakarrik lortuko lituzke biztanle gehiago

1-3 bitarteko agertokietan Bizkaiak biztanleriaren %6,3 inguruko galera edukiko luke, eta hori ez litzateke gertatuko beste bi lurraldeetan: Araban %8,7 ingurukoa litzateke hazkundea eta Gipuzkoan %10ekoa. Laugarren eta bosgarren agertokiek aurreikusten dute biztanleriaren hazkundea hiru lurraldeetan. Laugarrenean Bizkaikoa %3koa bakarrik litzateke, eta %15ekoa Gipuzkoan eta %14koa Araban. Berriz, bosgarrenean Bizkaiko hazkundea %6koa litzateke, Arabakoa bikoitza eta Gipuzkoakoa %19koa. Seigarren agertokian, zeinek aurreikusten baitzuen Euskal AEko biztanleriaren %20ko jaitsiera, Bizkaian %63koa litzateke jaitsiera hori, %28koa Gipuzkoan eta %9koa Araban.

65 urte eta gehiagokoak %72 gehiago izan litezke

Agertoki bakoitzean gerta daitezkeen hipotesien ondoren, Euskal AEko biztanleriaren adinkako egitura sakonki aldatuko litzateke 2061erako. 20 urtez beherakoak gehiago lirateke lau agertokitan (bosgarren agertokian legoke hazkunderik handiena: 67.800 gazte gehiago 2016an baino), eta arrazoia litzateke immigrazio-fluxu handiago bat. Hirugarren eta seigarren agertokiek adin-talde horretakoen zenbatekoaren jaitsiera aurreikusten dute, 48.000 eta 107.000 pertsonakoa hurrenez hurren, baina arrazoi ezberdinak direla medio: hirugarrenean zioa litzateke ugalkortasunaren jaitsiera bat zeina ez legokeen orekatua migratze-saldoaren hazkunde baten bidez, eta seigarrenean zioa litzateke iragarritako migratze-saldo nulua.

Agertoki guztietan aurreikusten da jaits dadila adin aktiboen biztanleria, 20-64 bitartekoa, sorta batean non batetik leudekeen 110.000 pertsona bosgarren agertokian eta, bestetik, 540.000 seigarrenean. Aldiz, 65 urte eta gehiagokoak ugariagoak lirateke agertoki guztietan. Bigarrenean 202.000 gehiago lirateke; hirugarrenean, 334.200. Hurrenez hurren, aldaketa horiek %43,4 eta % 72ko hazkundeak dira.

{0>

 

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa zerbitzua: servicioprensa@eustat.eus Tlf: 945 01 75 62