HomeGaiakApartamentu turistikoakPrentsa Oharrak Ostatu-gauak EAEko apartamentu...

2018/05/24ko prentsa-oharra

ESTABLEZIMENDU TURISTIKO HARTZAILEEN INKESTA- Apartamentuak. 2018ko apirila

Ostatu-gauak EAEko apartamentu turistikoetan % 1,4 igo ziren 2018ko apirilean

Hotel, landetxeetako ostatu eta apartamentu turistiko guztietan % 1,3 egin zuten behera ostatu-gauek apirilean

2018ko apirilean EAEko apartamentu turistikoetan erregistratutako ostatu-gauek gora egin dute 22.967ra; %1,4ko hazkundea, aurreko urteko apirilean izandakoen aldean, Eustatek landutako datuen arabera.

Ostatu-gauek urte arteko eboluzio positiboa izan dute Araban (% 25,9) eta Gipuzkoan (% 7,2); Bizkaian, berriz, behera egin dute (% 16,1).

Bestalde, EAEko apartamentu turistikoetan ostatua hartu duten bidaiarien sarrerak 5.736 izan dira 2018ko apirilean; % 23,4 egin dute behera, hortaz. Kontuan hartu beharra dago, datu horiek interpretatzeko garaian, 2017ko Aste Santua apirilean izan zela, eta aurten, Pazko Igandea eta Pazko bigarrena salbu, martxoan izan dela.

Lurraldeen arabera, bidaiarien sarrerek gora egin dute Araban (% 50,0), baina behera egin dute Bizkaian (% 33,3) eta Gipuzkoan (% 29,2).

Batez besteko egonaldia 4,00 egun izan dira apirileko azken hilabete honetan; gorakada nabarmena, 2017ko apirilean izan ziren batez besteko 3,02 egunen aldean. Araban, behera egin du joan den urteko apirileko 7,32 egunetatik aurtengo apirileko 6,15 egunetara; Bizkaian, gora egin du 2,56 egunetatik 3,23 egunetara; eta Gipuzkoan batez besteko egonaldiak gora egin du 2017ko apirileko 2,52 egunetatik aurtengo apirileko 3,81 egunetara.

Turisten balantzea 2018ko apirilean

Hotel, landa-ostatu eta apartamentu turistiko guztietan 275.981 sarrera erregistratu dira 2018ko apirilean; beraz, % 2,1 egin dute behera, joan den urteko apirilaren aldean. Bizkaian biltzen da EAEko sarrera guztien % 45,2, eta sarreren baturak % 2,0 egin du behera. Gipuzkoan, non EAEko sarreren % 40,6 biltzen den, %1,6 egin dute behera, eta Araban, non EAEko sarreren % 14,2 biltzen den, % 3,7 egin dute behera.

Gau-ostatuek, establezimendu turistiko hartzaile guztietan, % 1,3 egin dute behera; Bizkaian gora egin dute (%0,5), baina behera egin dute Araban (% 3,5) eta Gipuzkoan (% 2,5).