2018/09/06ko prentsa-oharra

AZALERA HANDIETAKO ETA ELIKADURA KATE HANDIETAKO MERKATARITZA INDIZEA (AHEK), 2018KO UZTAILA

Euskal AEko azalera handietako eta elikadura-kate handietako salmentak %0,9 gehitu ziren 2018ko uztailean

2018ko lehen zazpi hilabeteetan %2,1eko hazkundea gertatu da

Eustaten arabera, lan-egutegiko baldintza homogeneoetan, 2018ko uztailean %0,9ko urte arteko gehikuntza izan dute Euskal AEko azalera handietako eta elikadura-kate handietako salmentek, prezio finkoetan. Ekainaren aldean, salmentak %0,2 jaitsi dira urtaroen eraginik gabe.

Elikagaien salmentek %0,5eko urte arteko gehikuntza eduki dute, eta gainerako salgaienek %1,6koa, aurreko urteko hil beraren aldean.

2018ko ekainaren aldean, elikagaien salmentak bere horretan mantendu dira (%0,0) eta gainerako produktuenak %0,6 jaitsi dira, prezio finkoetan eta urtaroen eragina kontuan hartu gabe.

Lurraldeetan, urte artean Bizkaian %1,6ko igoera izan da eta Gipuzkoan %1,5ekoa, baina Araban %2,7ko jaitsiera izan da.

Azalera handietako eta elikadura-kate handietako langile-kopurua %3,1 gehitu da Euskal AEn aurreko urteko hil beraren aldean.

2018ko lehenengo zazpi hiletako balantzea

Euskal AEko azalera handietako eta elikadura-kate handietako salmentek, urte artean eta prezio finkoetan, %2,1eko igoera eduki dute 2018ko lehenengo zazpi hilabeteetan. Igoera hori gertatu da bai elikagaien salmentetan, zeinak igo diren %2,7, bai gainerako artikuluenetan, zeinen gehikuntza %1,0koa izan den.

Azalera handietako eta elikadura-kate handietako langile-kopurua %3,1 gehitu da Euskal AEn 2018ko lehen zazpi hilabeteetan.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62