2018/10/31ko prentsa-oharra

ERAIKUNTZAREN KOSTUEN INDIZEA, 2018KO IRAILA

Euskal AEko eraikuntza-kostuak %0,1 gehitu ziren 2018ko irailean aurreko hilaren aldean

2017ko irailaren aldean %2,2 gehitu ziren kostuak

2018ko irailean, Euskal AEko Eraikuntzaren Kostuen Indizea %0,1 gehitu zen aurreko hilaren aldean, eta urte arteko tasa %2,2 gehitu zen, EUSTATen datuen arabera.

Lan-eskuaren kostuan ez da aldaketarik izan aurreko hilaren aldean (%0,0), eta lehengaien kostua %0,1 igo da.

Lehengaien barnean, Etxegintzan ez da aldaketarik izan aurreko hilaren aldean (%0,0), eta Obra Zibilean %0,4ko hazkundea gertatu da haren lehengaien kostuan. Urte artean, bi azpisektore horiek zeinu bera dute erakusten, baina intentsitate diferentearekin, Etxegintzan lehengaien kostuak %2,0 gehitu baitira eta Obra Zibilean %4,5.

Sektoreak kontsumitutako lehengaietan (2018ko irailean 2017koaren aldean) prezio-hazkunderik handienak, urte artean: Petrolio fintzea, %21,8; Metalurgia, %9,0; eta Energia elektrikoa eta gasa, %3,6. Aldiz, prezio-hazkunderik txikienak lehengaietan azken hamabi hiletan: Kautxu eta plastikoa eta Material elektronikoa, %0,1 kasu bietan; eta Industria ez-metalikoa, %0,9.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62