2019/09/06ko prentsa-oharra

AZALERA HANDIETAKO ETA ELIKADURA KATE HANDIETAKO MERKATARITZA INDIZEA (AHEK). 2019KO UZTAILA

Euskal AEko azalera handietako eta elikadura-kate handietako salmentak %2,9 gehitu ziren 2019ko uztailean

2019ko lehen zazpi hiletan %2,0ko hazkundea gertatu da

Eustaten arabera, lan-egutegiko baldintza homogeneoetan, 2019ko uztailean %2,9ko urte arteko gehikuntza izan dute Euskal AEko azalera handietako eta elikadura-kate handietako salmentek, prezio finkoetan. Ekainaren aldean salmentak %1,4 gehitu dira urtaroen eraginik gabe.

Elikagaien salmentek %3,0ko urte arteko gehikuntza eduki dute, eta gainerako salgaienek %2,9koa, aurreko urteko hil beraren aldean.

2019ko ekainaren aldean, elikagaien salmentak %1,2 igo dira eta gainerako elikagaienak %2,0, prezio finkoetan eta urtaroen eragina kontuan hartu gabe.

Lurraldeka, Gipuzkoan %3,6ko igoera izan da, Araban %3,4koa eta Bizkaian %2,4koa, aurreko urteko hil berarekin konparaturik. Hori dena prezio finkoetan eta urtaroen eraginik gabe.

Langile-kopurua Euskal AEko azalera handietan eta elikadura-kate handietan %2,0 gehitu da aurreko urteko hil beraren aldean eta %0,4 igo da aurreko hilaren aldean, ekainaren aldean, urtaro-eraginik gabe. Urtarriletik uztailera, metatuan, langile-kopurua %2,5 hazi da 2018ko aldi beraren aldean.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62