2019/11/27ko prentsa-oharra

ERAIKUNTZA KOSTUEN INDIZEA. 2019KO URRIA

Euskal AEko eraikuntza-kostuak %0,3 jaitsi ziren 2019ko urrian aurreko hilaren aldean

Aurreko urtearen aldean %1,8 gehitu ziren kostuak

2019ko urrian Euskal AEko Eraikuntza Kostuen Indizea %0,3 gutxitu zen, aurreko hilaren aldean, eta hilabete horren urte arteko tasa %1,8 gehitu, EUSTATen datuen arabera.

Aurreko hilaren aldean, lan-eskuaren kostuan ez zen aldakuntzarik izan (%0,0) eta lehengaien kostua %0,4 jaitsi zen.

Etxegintzako lehengaien kostua %0,4 jaitsi da urrian; Obra Zibileko lehengaiena, %0,5. Urte artean, bi azpisektoreetan zeinu positiboak dira, zeren hala Etxegintzan nola Obra Zibilean %1,6 gehitu baitira lehengaien kostuak.

Sektoreak kontsumituriko lehengaietan urte artean (2019ko urria 2018koaren aldean) prezio-hazkunderik handienak: Energia elektrikoa eta gasa, %22,5ekin; Zurgintza, %3,7rekin; eta Industria ez-metalikoa, %3,3rekin. Prezio-jaitsierarik handienak lehengaietan azken hamabi hiletan, aldiz: Petrolioa fintzea, %7,1eko jaitsierarekin; Metalurgia, %3,9koarekin; eta Industria kimikoa, %1,3ko murrizketarekin.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62