2019/12/13ko prentsa-oharra

ERAIKUNTZAREN KOIUNTURAKO INDIZEA, 2019/III

Euskal AEko Eraikuntzaren sektorea %3,3 gehitu zen 2019ko hirugarren hiruhilekoan

%5,4ko gehikuntza darama urteak

Eustaten datuen arabera, 2019ko hirugarren hiruhilekoan, lan-egutegi homogeneoan eta urte artean, %3,3 nominala gehitu zen Euskal AEko Eraikuntzaren jarduera.

Hiruhileko honetan, Eraikuntzaren sektorearen hazkundea zor izan zitzaion bai Etxegintzaren azpisektorearen jokamolde positiboari, zeinek %3,1eko igoera eduki baitzuen urte artean, bai Obra Zibilaren azpisektorearenari, %4,7ko igoerarekin.

Urtaroen eragina behin zuzenduta, 2019ko hirugarren hiruhilekoan Eraikuntzaren sektorea %0,2 hazi zen, 2019ko bigarren hiruhilekoaren aldean.

Hiruhileko artean, 2019ko hirugarren hiruhilekoan sektorearen jarduera aurreko hiruhilekokoarekin alderatuz gero, Etxegintzak bilakaera positiboa izan zuen, %0,3koa; Obra Zibila, aldiz, %0,7 murriztu zen.

2019ko lehen hiru hiruhilekoetako aldi metatuan, Euskal AEko Eraikuntzaren sektorea %5,4 handitu da 2018ko aldi berarekin alderatuta.

Eraikuntzaren enplegua %0,2 murriztu zen 2019ko hirugarren hiruhilekoan, 2019ko bigarrenaren aldean.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62