2019/12/23ko prentsa-oharra

ERAIKUNTZAREN KOSTUEN INDIZEA. 2019KO AZAROA

Euskal AEko eraikuntzaren kostuak %0,2 jaitsi ziren 2019ko azaroan, aurreko hilabetearekin alderatuta

Aurreko urteko azaroarekin alderatuta, kostuak %1,5 hazi ziren

Euskal AEko Eraikuntzaren Kostuen Indizea %0,2 jaitsi zen 2019ko azaroan, aurreko hilabetearekin alderatuta; hilabete horretako urte arteko tasa, berriz, %1,5 igo zen, Eustatek egindako datuen arabera.

Aurreko hilabetearekin alderatuta, eskulanaren kostua ez zen aldatu (%0,0), eta lehengaien kostua %0,3 jaitsi zen.

Azaro honetan, lehengaien kostuan, Etxegintzako azpisektoreak %0,1eko jaitsiera izan du, eta Obra Zibileko azpisektoreak %1,0ko jaitsiera. Urte arteko bilakaeran, bi azpisektore horiek zeinu positiboa dute; izan ere, Etxegintzako lehengaien kostuak %1,4 igo dira, eta Obra Zibilekoak %0,9.

Sektoreak kontsumituriko lehengaien prezioen artean, 2019ko azaroan 2018ko azaroaren gainean, hazkunde nabarmenenak hauetan izan dira: Zurgintza (%5,1 gora), Industria ez-metalikoa (%3,1) eta Material elektrikoa (%2,5). Aitzitik, azken hamabi hilabeteetan lehengaien prezioetan jaitsiera handienak izan dituzten sektoreak izan dira Metalurgia (%2,2 behera), Energia Elektrikoa eta gasa (%1,7) eta Petrolioa fintzea (%0,8).

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62