HomeGaiakEraikuntzaren kostuen indizea (EEKI)Prentsa Oharrak Euskal AEko eraikuntzako...

2020/02/28ko prentsa-oharra

ERAIKUNTZAKO KOSTUEN INDIZEA. 2020ko URTARRILA

Euskal AEko eraikuntzako kostuak % 1,2 igo ziren 2020ko urtarrilean aurreko hilabetearekin alderatuta

Aurreko urtearekin, hau da, 2020ko urtarrila 2019ko urtarrilarekin, alderatuta, kostuek % 2,3 egin zuten gora

Euskal AEko Eraikuntzako Kostuen Indizea % 1,2 igo zen 2020ko urtarrilean, aurreko hilabetearekin alderatuta; hilabete horretarako urte arteko tasak, berriz, % 2,3 egin zuen gora, Eustatek emandako datuen arabera.

Aurreko hilabetearekin alderatuta, eskulanaren kostuak % 1,8 egin zuen gora eta lehengaien kostuak % 1,0.

Urtarrilean, Etxegintzako azpisektoreak % 0,9ko hilabete arteko igoera izan du lehengaien kostuan, eta Obra Zibileko azpisektoreak, berriz, % 1,2ko igoera. Urte arteko bilakaeran, bi azpisektore horiek zeinu positiboa dute bi kasuetan; izan ere, Etxegintzako lehengaien kostuak % 2,2 igo dira, eta Obra Zibilekoenak, berriz, % 3,8.

Sektoreak kontsumitutako lehengaien prezioek igoera handienak izan zituzten 2020ko urtarrilean, 2019ko urtarrilarekin alderatuta, honako sektore hauetan: Petrolioa fintzea (% 5,9), Mineral ez-metalikoak (% 5,5) eta Material elektronikoa eta Zur-industria (biek % 2,7). Aitzitik, lehengaien prezioetan beherakadak izan dituztenak honako hauek dira: Metalurgia, % 1,4 jaitsi dena; Industria kimikoa, % 1,0 jaitsi dena; eta Altzarien fabrikazioa, % 0,2 jaitsi dena.