2020/01/30eko prentsa-oharra

ERAIKUNTZAREN KOSTUEN INDIZEA. 2019KO ABENDUA

Euskal AEko eraikuntzaren kostuak % 0,1 igo ziren 2019ko abenduan aurreko hilabetearen aldean

Aurreko urtearekin alderatuta (2019ko abendua 2018ko abenduaren gainean), kostuak % 2,2 hazi ziren

Euskal AEko Eraikuntzaren Kostuen Indizea % 0,1 igo zen 2019ko abenduan, aurreko hilabetearekin alderatuta; hilabete horretarako urte arteko tasa, berriz, % 2,2 igo zen, Eustatek emandako datuen arabera.

Aurreko hilabetearekin alderatuta, eskulanaren kostua ez zen aldatu (% 0,0), eta lehengaien kostuak % 0,1 igo ziren.

Abenduan, Etxegintzako azpisektoreak % 0,1eko hileko igoera izan du lehengaien kostuan, eta Obra Zibileko azpisektoreak, berriz, % 0,5eko igoera. Urte arteko bilakaeran, bi azpisektore horiek zeinu positiboa dute bi kasuetan; izan ere, Etxegintzako lehengaien kostuak % 2,0 igo dira, eta Obra Zibilekoenak, berriz, % 3,1.

Sektoreak kontsumitutako lehengaien prezioek igoera handienak izan zituzten 2019ko abenduan, 2018ko abenduarekin alderatuta, honako sektore hauetan: Petrolioa fintzea (% 11,1), Mineral ez-metalikoak (% 3,4) eta Material elektronikoa (% 3,0). Aitzitik, lehengaien prezioetan beherakadak izan dituzte hauek: Metalurgia, % 1,7 jaitsi dena, eta Industria kimikoa, % 1,2ko jaitsierarekin.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62