2021/01/27ko prentsa-oharra

ERAIKUNTZAREN KOSTUEN INDIZEA. 2020KO ABENDUA

Euskal AEko eraikuntzaren kostuak % 0,8 igo dira 2020ko abenduan aurreko hilaren aldean

2019ko abenduarekin alderatuta, kostuak % 0,9 igo dira

Eustatek landutako datuen arabera, Euskal AEko Eraikuntzaren Kostuen Indizea % 0,8 igo da 2020ko abenduan, aurreko hilaren, 2020ko azaroaren, aldean. Urte arteko terminoetan, 2020ko abenduan 2019ko abenduaren gainean, kostuak % 0,9 igo dira.

Aurreko hilabetearen aldean lehengaien kostuak % 1,0 igo dira, eta eskulanaren kostuak ez du, ordea, aldaketarik izan (% 0,0).

Abenduan, Etxegintzaren azpisektoreak % 0,8ko hil arteko gehikuntza izan du bere lehengaien kostuan, eta Obra Zibilaren azpisektoreak % 1,8koa. Urte arteko bilakaeran, Etxegintzako lehengaien kostuak % 1,1 igo dira, eta Obra Zibilekoak, berriz, % 1,0 jaitsi.

Sektoreak kontsumitutako lehengaien prezioari dagokionez, 2019ko abendutik 2020ko abendura hazkunde handienak izan dituztenen artean, nabarmentzekoak dira honako sektore hauek: Material elektronikoa (% 5,2), Metalurgia (% 2,4) eta Material elektrikoa (% 1,5). Aldiz, prezioetan jaitsierekin hauek nabarmentzen dira: Petrolioa fintzea (% 20,5eko jaitsierarekin), Makineria (% 3,2 behera) eta Energia elektrikoa eta gasa (% 2,9 behera).

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62