2021/06/01eko prentsa-oharra

ERAIKUNTZAREN KOIUNTURAKO INDIZEA. I/2021

Euskal AEko Eraikuntzaren sektoreko jarduera % 0,3 jaitsi da 2021eko lehen hiruhilekoan

Etxegintzaren azpisektorea % 0,5 igo da, eta Obra zibilarena % 5,7 jaitsi

Eustatek landutako datuen arabera, Euskal AEko Eraikuntzaren jarduerak % 0,3ko urte arteko jaitsiera izan du 2021eko lehen hiruhilekoan, termino nominaletan, egutegiaren eraginak atera ondoren.

Eraikuntzaren sektorearen urte arteko jaitsiera, hiruhileko honetan, Obra zibilaren jaitsierak eragin du, urte arteko % 5,7ko beherapena izan baitu, zeren Etxegintzak % 0,5eko igoera izan baitu.

2021eko lehen hiruhilekoko sektorearen jarduera aurreko hiruhilekoarekin alderatuz gero, urtaroen eragina zuzenduta, % 2,8ko hiruhileko arteko hazkundea ikusten da. Etxegintzak hiruhileko arteko % 3,2ko bilakaera positiboa izan du, eta Obra zibilak % 1,1 egin du behera aurreko hiruhilekoaren aldean.

Azkenik, eta urtaro-eraginik gabeko terminoetan, Eraikuntzaren sektorean lanean aritzen diren enplegatuen kopurua % 0,1 igo da 2021ko lehenbiziko hiruhilekoan, 2020ko laugarren hiruhilekoarekin alderatuta.

INFORMAZIO OHARRA

Indize ekonomiko koiuntural honetan eta beste indize ekonomiko koiuntural batzuetan kontuan hartzen diren langile enplegatuen artean, Enplegua Aldi Baterako Erregulatzeko Espedientea (EABEE) duten pertsonak sartzen dira, Europar Batasuneko Estatistika Bulegoak (Eurostat) Methodology of Short Term Business Statistics eskuliburuan jasotzen duen enplegatuaren definizioari jarraituz.

Egutegiaren eraginak zuzentzeko eta serieak urtaro-eraginik gabe uzteko erabilitako modeloek COVID-19ak aztertutako aldagaietan duen eragina barne hartzen dute, Europar Batasuneko Estatistika Bulegoak (Eurostat) Guidance on Time Series Treatment in the context of the COVID-19 crisis. ohar metodologikoan emandako gomendioei jarraituz.

Eustatek eskerrak eman nahi dizkie lagundu duten establezimendu guztiei egindako ahaleginagatik aparteko zirkunstantzia hauetan. Haiei esker, lehen hiruhilekoko indizea laginaren % 93,3ko estaldurarekin kalkulatu da.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62