2021/06/25eko prentsa-oharra

ERAIKUNTZAREN KOSTUEN INDIZEA. 2021EKO MAIATZA

Euskal AEko eraikuntzaren kostuak % 1,3 igo dira 2021eko maiatzean aurreko hilaren aldean

Aurreko urteko hil berarekin alderatuta (2021eko maiatza, 2020ko maiatzaren aldean), kostuak % 2,1 igo dira

Eustatek landutako datuen arabera, Euskal AEko Eraikuntzaren kostuen indizea % 1,3 igo da 2021eko maiatzean, aurreko hilaren aldean. Urte arteko terminoetan, kostuak % 2,1 igo dira.

Etxegintzaren sektoreko kostuak % 1,2 igo dira hil arteko terminoetan, eta Obra zibilekoak % 2,0. 2020ko maiatzaren aldean, bestalde, prezioak % 2,0 igo dira Etxegintzaren kasuan eta % 2,4 Obra Zibilarenean.

Aurreko hilabetearen aldean lehengaien kostuak % 1,7 igo dira, eta eskulanaren kostua, berriz, berean mantendu da (% 0,0). Urte arteko terminoetan, lehengaiak % 2,2 igo dira, eta eskulana % 1,9.

Maiatzean, Etxegintzaren sektoreak % 1,5eko hil arteko igoera izan du bere lehengaien kostuan, eta Obra zibilaren sektoreak % 2,7koa. Urte arteko bilakaeran, Etxegintzako lehengaien kostuak % 2,1 igo dira, eta Obra Zibilekoak % 2,5.

Sektoreak kontsumitutako lehengaien prezioei dagokienez, 2021eko maiatzean, 2020ko maiatzaren aldean, honako sektore hauek nabarmendu dira igoeretan: Petrolioa fintzea (% 40,8), Metalurgia (% 14,9) eta Material elektronikoa (% 10,5). Aitzitik, prezioetan murrizketak izan dituzte honako sektore hauek: Mineral ez-metalikoak (% 2,6 behera) eta Makineriaren fabrikazioa (% 1,0ko jaitsiera).

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62