2021/08/26ko prentsa-oharra

ERAIKUNTZAREN KOSTUEN INDIZEA. 2021EKO UZTAILA

Euskal AEko eraikuntzaren kostuak % 0,2 jaitsi dira 2021eko uztailean aurreko hilaren aldean

Aurreko urteko hilabete berarekin alderatuta (2021eko uztaila, 2020ko uztailaren aldean), kostuak % 2,0 igo dira

Eustaten datuen arabera, Euskal AEko Eraikuntzaren kostuen indizea % 0,2 jaitsi da 2021eko uztailean, aurreko hilaren aldean. Urtetik urterako terminoetan, berriz, kostuak % 2,0 igo dira.

Etxegintzaren sektoreko kostuak % 0,2 beheratu dira hil arteko terminoetan, eta Obra Zibilekoak, berriz, egonkor mantendu dira (% 0,0). 2020ko uztailaren aldean, prezioak % 2,1 igo dira Etxegintzaren kasuan eta % 1,4 Obra Zibilarenean.

Aurreko hilabetearekin alderatuta, lehengaien kostuak % 0,2 jaitsi dira, eta eskulanaren kostua, berriz, egonkor mantendu da (% 0,0). Urte arteko terminoetan, lehengaiak % 2,0 igo dira, eta eskulana % 1,9.

Uztailean, Etxegintzaren sektoreak % 0,3ko hil arteko jaitsiera izan du bere lehengaien kostuan. Obra Zibilaren sektorea, bestalde, bere horretan mantendu da (% 0,0). Urte arteko bilakaeran, Etxegintzako lehengaien kostuak % 2,2 igo dira, eta Obra Zibilekoak % 1,3.

Sektoreak kontsumitutako lehengaien prezioei dagokienez, 2021eko uztailean, 2020ko uztailaren aldean, sektore hauetan nabarmendu dira igoerak: Petrolioa fintzea (% 29,6 gora), Metalurgia (% 26,5) eta Zuraren eta kortxoaren industria (% 9,4). Mineral ez-metalikoena izan da sektore bakarra zeinean prezioek urte artean behera egin duten: % 5,7 jaitsi dira.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62