2022/01/10eko prentsa-oharra
INDUSTRIA PRODUKZIOAREN INDIZEA, 2021EKO AZAROA
Euskal AEko industria-jarduera % 6,6 hazi zen 2021eko azaroan
2021eko lehendabiziko hamaika hilabeteetan Industria-produkzioaren indizeak metaturiko hazkundea % 10,4 izan da
Eustaten datuen arabera, eta lan-egutegiko termino homogeneoetan, Euskal AEko industria-produkzioa, 2021eko azaroan, 2020ko hil berekoa baino % 6,6 handiagoa izan da. 2021eko lehendabiziko hamaika hilabeteetako balantzearen amaieran, industria-jarduerak % 10,4ko igoera izan du.
Urtaroen eragina zuzenduta, % 1,4 hazi da Euskal AEko industria-produkzioa, 2021eko azaroa eta 2021eko urria alderaturik.
2021eko azaroko indizearen bilakaera positiboa izan da industria-sektore handi guztietan, 2020ko azaroarekin alderaturik. Kontsumo-ondasunek, orotara, % 17,9ko igoera izan dute; Kontsumo-ondasun iraunkorrek % 19,0ko igoera izan dute, eta Kontsumo-ondasun ez-iraunkorrek % 17,7koa. Kontsumo-ondasun iraunkorrak epigrafean altzariak eta etxeko tresnak fabrikatzeko jarduerak ageri dira. Elikagaien fabrikazioa, prozesatzea eta kontserbazioa, garbiketarako eta higienerako produktuen fabrikazioa eta jantziak egitea dira, besteak beste, Kontsumo-ondasun ez-iraunkorren sektore handiaren barruko jarduerak.
Ekipo-ondasunak (non dauden motordun ibilgailuen fabrikazioa, tren-makinen eta trenbide-materialaren egitea eta aireontziak edo itsasontziak egitea), bestalde, % 8,6 igo dira aurreko urteko azaroaren aldean.
Energia % 7,3 goratu da 2021eko azaroan urte arteko terminoetan. Sektore horretan sartzen dira energia elektrikoaren ekoizpena eta hornidura eta petrolioa fintzea. Bestalde, Bitarteko ondasunen sektoreak, non sartzen baitira metalurgiako jarduerak eta produktu metalikoen fabrikazioa, industria kimikoa eta kautxu eta plastikozko produktuen fabrikazioa, % 2,2ko igoera izan du.
Euskal AEko Industria-produkzioaren indizea. Hazkunde-tasak. Behin-behineko datuak. 2021ko Azaroa. Azaroa 2021
| | Egutegi eraginak zuzendutako datuak | Datu desestazionalizatuak |
| | m / m-12 | Am / A(m-12) | m / m-1 | m-1 / m-2 |
| INDIZE OROKORRA | | | | |
| Euskal AE | 6,6 | 10,4 | 1,4 | 2,1 |
| Araba/Álava | 6,9 | 8,1 | 4,9 | 4,7 |
| Bizkaia | 3,9 | 9,3 | -1,2 | 2,6 |
| Gipuzkoa | 9,1 | 13,0 | 1,9 | 0,3 |
| ONDASUNEN HELBURU EKONOMIKOAREN ARABERAKO INDIZEAK | | | | |
| Kontsumo-ondasunak | 17,9 | 12,2 | 4,6 | 0,1 |
| Kontsumoondasun iraunkorrak | 19,0 | 34,6 | -1,6 | 4,0 |
| Kontsumoondasun ez-iraunkorrak | 17,7 | 7,4 | 6,3 | -0,9 |
| Ekipo-ondasunak | 8,6 | 12,3 | 3,7 | 2,4 |
| Bitarteko ondasunak | 2,2 | 11,4 | 2,9 | -0,4 |
| Energia | 7,3 | -1,0 | -2,4 | 13,5 |
m/m12 Azken hileko (m) aldakuntza-tasa, aurreko urteko hil beraren (m-12) aldean
Am / A(m-12) Urte arteko aldakuntza-tasa , urtarriletik behatutako azken hilera arte metatutako aldian (Am), aurreko urtean pilatutako aldi beraren (A(m-12)) aldean
m / m-1 Azken hileko (m) aldakuntza-tasa, aurreko hilaren (m-1) aldean
m-1 / m-2 Azkenaurreko hileko (m-1) aldakuntza-tasa, aurreko hilaren (m-2) aldean
Data 2022ko Urtarrilaren 10a
Iturria: Eustat. Industria-produkzioaren indizea
Xehekiago, Euskal AEko industrian pisu handiena duten sektoreen artean, honako hauek izan dute urte arteko hazkunderik handiena 2021eko azaroan: Elikaduraren, edarien eta tabakoaren industriek (% 17,1eko igoera), Makineria eta ekipoak (% 15,6ko igoera) eta Energia elektrikoa, gasa eta lurrunak (% 10,7ko igoera). Aitzitik, sektore hauek dira ekoizpenean jaitsierarik bizi izan dutenak: Kautxua eta plastikoak (% 9,6 behera), Zura, papera eta arte grafikoak (% 4,6) eta Material eta ekipo elektrikoa (% 1,9).
Euskal AEko Industria produkzioaren indizea. Sektore nagusiak (1). Urte arteko hazkunde-tasak. A-38 sektorizazioa. Behin-behineko datuak. Azaroa 2021
| | m / m-12 |
| 10 - Metalurgia eta produktu metalikoak | 6,0 |
| 16 - Energia elektrikoa, gasa eta lurruna | 10,7 |
| 09 - Kautxua eta plastikoak | -9,6 |
| 13 - Makineria eta tresneria | 15,6 |
| 14 - Garraio-materiala | 8,4 |
| 03 - Elikadura ind., edariak eta tabakoa | 17,1 |
| 12 - Material eta ekipo elektrikoen fabrikazioa | -1,9 |
| 05 - Zurgintza, papera eta arte grafikoak | -4,6 |
Egutegi eraginak zuzendutako datuak
(1)Euskal Aeko industrian pisurik handiena duten sektoreak
Data 2022ko Urtarrilaren 10a
Iturria: Eustat. Industria-produkzioaren indizea
Azaroko Industria-produkzioaren indizearen urte arteko bilakaera positiboa izan da hiru Lurraldeetan: Gipuzkoan % 9,1, Araban % 6,9 eta Bizkaian % 3,9.
2021eko lehendabiziko hamaika hilabeteetako metatuan, Gipuzkoa da hazkunde handiena izan duen lurraldea, 2020ko aldi beraren aldean (% 13,0 gora); ondoren, Bizkaia dago (% 9,3 gora) eta, azkenik, Araba (% 8,1eko hazkundea).
INFORMAZIO OHARRA
Egutegiaren eraginak zuzentzeko eta serieak urtaro-eraginik gabe uzteko erabilitako modeloek COVID-19ak aztertutako aldagaietan duen eragina barne hartzen dute, Europar Batasuneko Estatistika Bulegoak (Eurostat) Guidance on Time Series Treatment in the context of the COVID-19 crisis ohar metodologikoan emandako gomendioei jarraikiz.
Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, azaroko indizea laginaren % 92,01eko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62