2022/02/04ko prentsa-oharra
INDUSTRIA PRODUKZIOAREN INDIZEA. 2021EKO ABENDUA
Euskal AEko industria-jarduera % 10,3 igo da 2021. urtean
2021eko abenduan, industria-produkzioaren indizea 2020ko abenduan baino % 7,9 handiagoa izan da
2021. urte osoan, Euskal AEko industria-jarduera % 10,3 hazi da 2020. urtearen aldean, Eustatek landutako datuen arabera.
Industria-produkzioa hazi egin da 2021ean industria-sektore handi guztietan. Urteko igoera metatua % 12,7koa izan da ekipamendu-ondasunetan, % 10,6koa bitarteko ondasunetan eta % 0,3koa energian. Kontsumo-ondasunek, bestalde, % 11,9ko igoera metatuarekin itxi dute urtea; kontsumo-ondasun iraunkorren kasuan igoera % 33,0ko izan da, eta kontsumo-ondasun ez-iraunkorren kasuan % 7,4koa.
2021eko balantzea positiboa izan da hiru lurralde historikoentzat. Gipuzkoan igo da gehien industria-produkzioa 2021. urte osoan, indizearen % 12,8ko igoera metatuarekin. Ondoren Bizkaia dago, % 9,1eko aldakuntza positibo metatuarekin. Araban, azkenik, 2021. urtean metatutako igoera % 7,9koa izan da.
Euskal AEko Industria produkzioaren indizea lurralde historikoaren eta ondasunen helburu ekonomikoaren arabera. Aldakuntza-tasak (p). Abendua 2021
| | Egutegi eraginak zuzendutako datuak | | Datu desestazionalizatuak |
| | m / m-12 | Am / A(m-12) | m / m-1 |
| INDIZE OROKORRA | | | |
| Euskal AE | 7,9 | 10,3 | -0,1 |
| Araba/Álava | 6,0 | 7,9 | -1,7 |
| Bizkaia | 5,6 | 9,1 | -0,6 |
| Gipuzkoa | 10,9 | 12,8 | 1,3 |
| ONDASUNEN HELBURU EKONOMIKOAREN ARABERAKO INDIZEAK | | | |
| Kontsumo-ondasunak | 8,1 | 11,9 | -4,0 |
| Kontsumoondasun iraunkorrak | 14,7 | 33,0 | -1,6 |
| Kontsumoondasun ez-iraunkorrak | 6,8 | 7,4 | -4,6 |
| Ekipo-ondasunak | 16,3 | 12,7 | 1,4 |
| Bitarteko ondasunak | 0,4 | 10,6 | -0,6 |
| Energia | 14,9 | 0,3 | 0,5 |
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Am / A(m-12) Urte arteko aldakuntza-tasa , urtarriletik behatutako azken hilera arte metatutako aldian (Am), aurreko urtean pilatutako aldi beraren (A(m-12)) aldean
m / m-1 Azken hileko (m) aldakuntza-tasa, aurreko hilaren (m-1) aldean
Data 2022ko Otsailaren 4a
Iturria: Eustat. Industria-produkzioaren indizea
2021eko abenduan, Euskal AEko industria-produkzioa 2020ko hil berean ikusitakoa baino % 7,9 handiagoa izan da, lan-egutegiko baldintza homogeneoetan. Halaber, 2021eko abendua izan da hamargarren hilabetea jarraian tasa positiboekin.
2021eko abenduko indizearen bilakaera positiboa izan da, 2020ko abenduaren aldean, industria-sektore handi guztietan. Ekipo-ondasunak % 16,3 igo dira, energia % 14,9, eta bitarteko ondasunek urtetik urtera % 0,4 egin dute gora. Kontsumo-ondasunak, oro har, % 8,1 igo dira, kontsumo-ondasun iraunkorren ( % 14,7ko igoera) eta kontsumo-ondasun ez-iraunkorren (% 6,8ko gorakada) eraginez.
Euskal AEko industrian pisurik handiena duten sektoreen artean, 2021eko abenduan urtetik urterako portaera onena honako hauek izan dute: energia elektrikoa, gasa eta lurruna (% 20,7ko igoera), makineria eta ekipamendua (% 14,8ko igoera) eta garraio-materiala (% 13,3ko igoera). Aitzitik, jaitsierarik pisu handieneko sektore hauek izan dituzte jaitsierarik handienak: kautxua eta plastikoak (% 10,5), material eta ekipamendu elektrikoa (% 7,0) eta zura, papera eta arte grafikoak (% 0,3).
Lurralde historikoka, abenduko industria-produkzioaren indizeak urtetik urtera bilakaera positiboa izan du hiru lurralde historikoetan: Gipuzkoan % 10,9ko igoera izan da 2020ko abenduaren aldean, Araban % 6,0koa eta, azkenik, Bizkaian % 5,6koa.
Euskal AEko Industria produkzioaren indizea. Sektore A38 nagusiak (1). Urte arteko hazkunde-tasa (p). Abendua 2021
| | m / m-12 |
| Elikadura ind., edariak, tabakoa | 5,6 |
| Zurgintza, papera eta arte grafikoak | -0,3 |
| Kautxua eta plastikoak | -10,5 |
| Metalurgia eta produktu metalikoak | 11,2 |
| Materiala eta tresna elektrikoak | -7,0 |
| Makineria eta tresneria | 14,8 |
| Garraio-materiala | 13,3 |
| Energia elektrikoa, gasa eta lurruna | 20,7 |
(p)Behinbehineko datuak
Egutegi eraginak zuzendutako datuak
(1)Euskal Aeko industrian pisurik handiena duten sektoreak
Data 2022ko Otsailaren 4a
Iturria: Eustat. Industria-produkzioaren indizea
INFORMAZIO OHARRA
Egutegi-efektuak zuzentzeko eta serieak desestazionalizatzeko erabilitako ereduek jaso egiten dute COVID-19ak aztertutako aldagaietan duen eragina, Europar Batasuneko Estatistika Bulegoak (Eurostat-ek) Guidance on Time Series Treatment in the context of the COVID-19 crisis ohar metodologikoan emandako gomendioei jarraituz.
Eustatek parte hartu duten establezimendu guztiei eskerrak eman nahi dizkie egindako ahaleginagatik, inguruabarrak gorabehera. Horiei esker, abenduko indizea laginaren % 92,75eko estaldurarekin kalkulatu da. Lagin horren informazioa urtarrilean jaso da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia kalea, 1 - 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62