2022/03/28ko prentsa-oharra
ERAIKUNTZAREN KOSTUEN INDIZEA. 2022KO OTSAILA
Euskal AEko eraikuntzaren kostuak % 0,3 igo dira 2022ko otsailean
Urte arteko terminoetan, 2022ko otsailean 2021ekoaren aldean, kostuak % 7,7 igo dira
Eustaten datuen arabera, Euskal AEko Eraikuntzaren kostuen indizea % 0,3 igo da 2022ko otsailean, aurreko hilarekiko. Aurreko urteko hil berarekin alderatuta (2022ko otsaila, 2021eko otsailarekin alderatuta), kostuak % 7,7 igo dira.
Etxegintzaren sektoreko kostuak % 0,4 igo dira hil arteko terminoetan, eta Obra Zibilekoak % 0,2. 2021eko otsailaren aldean, prezioak % 7,3 goititu dira Etxegintzan eta % 9,2 Obra Zibilean.
Aurreko hilaren aldean (2022ko urtarrila), lehengaien kostuak % 0,4 igo dira, eta eskulanaren kostua, ordea, berean mantendu da (% 0,0). Urtetik urterako terminoetan, lehengaien kostuak % 8,3 egin du gora, eta eskulanarenak % 5,8.
Etxegintzaren sektoreak % 0,5eko hil arteko igoera izan du bere lehengaien kostuan, eta Obra Zibilarenean % 0,2koa izan da igoera. Urte arteko bilakaeran, Etxegintzako lehengaien kostuak % 7,8 hazi dira, eta Obra Zibilekoak % 10,3.
Euskal AEko eraikuntzaren kostuen indizea. Aldakuntza-tasak (p). Otsaila 2022
| | Indizea | Aldakuntza (%) |
| | | m/m-1 | m/m-12 |
| Guztira | 115,7 | 0,3 | 7,7 |
| Eraikinak | 115,6 | 0,4 | 7,3 |
| Obra zibila | 116,3 | 0,2 | 9,2 |
| | | | |
| Lehengaiak | 115,4 | 0,4 | 8,3 |
| Eraikinak | 115,2 | 0,5 | 7,8 |
| Obra zibila | 116,2 | 0,2 | 10,3 |
| | | | |
| Laneskua | 116,7 | 0,0 | 5,8 |
Oinarria 2015=100
m / m-1 Azken hileko (m) aldakuntza-tasa, aurreko hilaren (m-1) aldean
m/m12 Azken hileko (m) aldakuntza-tasa, aurreko urteko hil beraren (m-12) aldean
(p)Behinbehineko datuak
Data 2022ko Martxoaren 28a
Iturria: Eustat. Eraikuntzaren Kostuen Indizea
Sektoreak kontsumituriko lehengaien prezioei doakienez, 2022ko otsailean, 2021ekoaren aldean, hauek izan dituzte igoerarik handienak: Energia elektrikoa eta gasa (% 52,3 gora), Petrolioa fintzea (% 39,7) eta Metalurgia (% 28,5). Prezioetan hazkunderik apalenak izan dituzten sektoreak honako hauek izan dira: Mineral ez-metalikoak (% 1,8ko igoera) eta Material elektrikoa (% 4,4koa).
Euskal AEn kontsumitutako lehengaien prezioak, sektorearen arabera (A64). Urte arteko aldakuntza-tasa (p). Otsaila 2022
| | m / m-12 |
| Ezmetalezko meak | 1,8 |
| Zuraren eta kortxoaren industria | 20,1 |
| Petrolioa fintzea | 39,7 |
| Industria kimikoa | 21,9 |
| Kautxua eta plastikoa | 6,8 |
| Produktu mineral ez-metalezkoak | 8,4 |
| Metalgintza | 28,5 |
| Metalezko artikuluak | 9,7 |
| Material elektronikoa | 7,3 |
| Material elektrikoa | 4,4 |
| Makineriaren fabrikazioa | 6,1 |
| Altzarigintza | 4,5 |
| Energia elektrikoa eta gasa | 52,3 |
Oinarria 2015=100
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Data 2022ko Martxoaren 28a
Iturria: Eustat. Eraikuntzaren Kostuen Indizea
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62