2022/06/01eko prentsa-oharra
ERAIKUNTZAREN KOIUNTURA INDIZEA. I/2022
Euskal AEko eraikuntzaren sektoreko produkzioa % 7,2 hazi zen 2022ko lehen hiruhilekoan
Aurreko hiruhilekoarekin alderatuta, uneko prezioetako hazkundea % 6 izan da
Eustatek landutako datuen arabera, 2022ko lehen hiruhilekoan, Euskal AEko Eraikuntzaren sektoreko jarduera, uneko prezioetan, aurreko urteko hiruhileko berekoa baino % 7,2 handiagoa izan da. Aurreko hiruhilekoarekin alderatuta, uneko prezioetan % 6 egin du gora jarduerak, urtaro-ondorioak zuzendu ondoren.
Hiruhileko honetan, urte arteko igoera uneko prezioetan Etxegintza azpisektoreak izan du (% 5,5 igo da urte arteko terminoetan), eta, bereziki, Obra Zibilak (% 20,9 igo da aurreko urteko hiruhileko beraren aldean).
2022ko lehen hiruhileko honetako sektorearen jarduera aurreko hiruhilekoarekin alderatuz gero, urtaroen eragina zuzendu ondoren eta uneko prezioetan, igoera % 6ra iritsi da. Etxegintzak hiruhileko arteko bilakaera positiboa izan du, % 4,8koa, eta Obra Zibilak % 14 egin du gora, aurreko hiruhilekoaren aldean.
Euskal AEko eraikuntzaren koiunturako indizea. Aldakuntza tasak (%). Uneko prezioak (p). 2022/I
| | Egutegiaren eragina zuzenduta | Desestazionalizatua |
| | 2022 I/2021 I | At/At-1 | 2022 I/2021 IV | 2021 IV/2021 III |
| Produkzioaren indizea | 7,2 | 7,2 | 6,0 | 0,0 |
| Eraikinak | 5,5 | 5,5 | 4,8 | 0,7 |
| Obra zibila | 20,9 | 20,9 | 14,0 | -4,3 |
| | | | | |
| Landunkopuruaren indizea | 1,9 | 1,9 | 0,1 | 0,8 |
Oinarria 2015
(p)Behinbehineko datuak
At/At-1: t urteko lehen hiruhilekotik t urteko azken hiruhilekora arteko aldi metatuaren urte arteko aldakuntza-tasa, t-1 urtearen aldi beraren aldean
Data 2022ko Ekainaren 1a
Iturria: Eustat. Eraikuntzaren koiunturako indizea
2022ko lehen hiruhilekoko landunen indizea, aurreko urteko laugarren hiruhilekoarekin alderatuta % 0,1 igo ondoren, % 1,9 handiagoa izan da 2021eko lehen hiruhilekokoa baino.
Informazio-oharrak
Egutegiaren eraginak zuzentzeko eta serieak urtaro-eraginik gabe uzteko erabilitako modeloek COVID-19ak aztertutako aldagaietan duen eragina barne hartzen dute, Europar Batasuneko Estatistika Bulegoak (Eurostat) Guidance on Time Series Treatment in the context of the COVID-19 crisis ohar metodologikoan emandako gomendioei jarraikiz.
2022ko lehen hiruhilekoko EKIren estaldura % 94,5ekoa izan da. Eustatek eskerrak ematen dizkie eginiko ahaleginagatik inkesta honetan parte hartu duten establezimendu guztiei.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62