2022/05/05eko prentsa-oharra
INDUSTRIA PRODUKZIOAREN INDIZEA. 2022KO MARTXOA
Euskal AEko industria-jarduera % 4,6 hazi da 2022ko martxoan
2022ko lehenengo hiru hilabeteotako metatuan, Industria Produkzioaren Indizeak % 7,9ko hazkundea izan du
Eustaten datuen arabera, eta lan-egutegiko termino homogeneoetan, Euskal AEko industria-produkzioa 2022ko martxoan % 4,6 handiagoa izan da 2021eko hil berean baino.
2022ko martxoa aurreko hilabetearekin alderatuta, ordea, Euskal AEko industria-produkzioa % 2,1 murriztu da, urtaro-ondorioak zuzenduta.
2022ko martxoko indizearen bilakaera, 2021eko martxoarekin alderatuta, desberdina izan da industria-sektore handietan. Energian, sektore bat non energia elektrikoaren ekoizpena eta hornidura eta petrolioa fintzea barne hartzen diren, % 11,6 hazi da produkzioa. Ekipo-ondasunetako produkzioa (ibilgailu motordunen fabrikazioa, tren-makinen eta trenbide-materialen egitea eta aireontziak edo itsasontziak egitea barne hartzen dituena), bestalde, % 11,2 igo da.
Kontsumo-ondasunak, osotara, % 6,0 igo dira, Kontsumo-ondasun ez-iraunkorrak % 9,2 igo direlako, zeren Kontsumo-ondasun iraunkorrak, aldiz, % 6,8 jaitsi baitira. Elikagaien fabrikazioa, prozesatzea eta kontserbazioa, garbiketarako eta higienerako produktuen fabrikazioa eta jantziak egitea dira Kontsumo-ondasun ez-iraunkorren epigrafearen barruko jarduerak. Altzarien eta etxeko tresnen fabrikazioa dira, besteak beste, Kontsumo-ondasun iraunkorren sektoreko jarduerak.
Aitzitik, Bitarteko ondasunek (metalurgia eta produktu metalikoen fabrikazioa, industria kimikoa eta kautxu eta plastikozko produktuen fabrikazioa barne) % 0,8ko jaitsiera izan dute urte arteko terminoetan.
Euskal AEko Industria produkzioaren indizea lurralde historikoaren eta ondasunen helburu ekonomikoaren arabera. Aldakuntza-tasak (p). Martxoa 2022
| | Egutegi eraginak zuzendutako datuak | Datu desestazionalizatuak |
| | m / m-12 | Am / A(m-12) | m / m-1 |
| INDIZE OROKORRA | | | |
| Euskal AE | 4,6 | 7,9 | -2,1 |
| Araba/Álava | 1,5 | 5,9 | -3,4 |
| Bizkaia | 8,2 | 9,3 | -0,5 |
| Gipuzkoa | 2,9 | 7,8 | -2,8 |
| ONDASUNEN HELBURU EKONOMIKOAREN ARABERAKO INDIZEAK | | | |
| Kontsumo-ondasunak | 6,0 | 8,9 | -0,6 |
| Kontsumoondasun iraunkorrak | -6,8 | 0,3 | -5,0 |
| Kontsumoondasun ez-iraunkorrak | 9,2 | 11,1 | 0,5 |
| Ekipo-ondasunak | 11,2 | 15,0 | -2,0 |
| Bitarteko ondasunak | -0,8 | 2,3 | -3,0 |
| Energia | 11,6 | 12,8 | -3,9 |
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Am / A(m-12) Urte arteko aldakuntza-tasa , urtarriletik behatutako azken hilera arte metatutako aldian (Am), aurreko urtean pilatutako aldi beraren (A(m-12)) aldean
m / m-1 Azken hileko (m) aldakuntza-tasa, aurreko hilaren (m-1) aldean
Data 2022ko Maiatzaren 5a
Iturria: Eustat. Industria-produkzioaren indizea
Xehekiago, Euskal AEko industrian pisu handiena duten sektoreen artean, honako hauek izan dute urte arteko hazkunderik handiena 2022ko martxoan: Energia elektrikoa, gasa eta lurruna (% 19,3), Material eta ekipo elektrikoa (% 19,1) eta Makineria eta ekipoa (% 15,4). Bestalde, jaitsiera izan dute ekoizpenean Kautxua eta plastikoa (% 11,5ekoa), Zura, papera eta arte grafikoak (% 3,3) eta Garraio-materiala (% 0,2) sektoreek.
Euskal AEko Industria produkzioaren indizea. Sektore A38 nagusiak (1). Urte arteko hazkunde-tasa (p). Martxoa 2022
| | m / m-12 |
| Elikadura ind., edariak, tabakoa | 3,1 |
| Zurgintza, papera eta arte grafikoak | -3,3 |
| Kautxua eta plastikoak | -11,5 |
| Metalurgia eta produktu metalikoak | 6,0 |
| Materiala eta tresna elektrikoak | 19,1 |
| Makineria eta tresneria | 15,4 |
| Garraio-materiala | -0,2 |
| Energia elektrikoa, gasa eta lurruna | 19,3 |
(p)Behinbehineko datuak
Egutegi eraginak zuzendutako datuak
(1)Euskal Aeko industrian pisurik handiena duten sektoreak
Data 2022ko Maiatzaren 5a
Iturria: Eustat. Industria-produkzioaren indizea
Martxoko Industria-produkzioaren indizearen urte arteko bilakaera positiboa izan da hiru Lurraldeetan: Bizkaian % 8,2ko igoera izan da, Gipuzkoan % 2,9koa eta, azkenez, Araban % 1,5ekoa.
INFORMAZIO OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, martxoko indizea laginaren % 93,62ko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62