2022/06/24ko prentsa-oharra
SEKTORE PUBLIKOAREN AURREKONTUEN ESTATISTIKAK. 2020
(Ohar hau berrikusi egin da, lehen mailako datuen tratamenduan izandako akats baten ondorioz)
Euskal AEko administrazioetako zerga bidezko diru-sarrerek % 8,7 egin dute behera 2020an, osasun-krisialdia bereizgarri izan duen urtean
Finantza-erakundeekiko epe luzeko zorra 2020ko abenduaren 31n 12.587 milioi eurokoa izan da, BPGren % 17,6koa
2020an, pandemiaren krisialdiko lehen urtean, Euskal AEko administrazioek –Eusko Jaurlaritzak, foru-aldundiek eta udal-administrazioek eratzen dituzte–, haien erakunde autonomoekin eta udalaz gaindiko eta azpiko erakundeekin batera, zerga bidezko diru-sarreretan % 8,7ko jaitsiera erregistratu dute, Eustatek dituen datuen arabera.
Zerga bidezko diru-sarreren jaitsiera horrek finantzaz bestelako eragiketen bidezko diru-sarreren jaitsiera ekarri du (% 5,3ko jaitsiera). Finkatutako diru-sarrerek –19.671 milioi eurokoak izan dira–, guztira, bilakaera positiboa izan dute; % 3,4 egin dute gora, aurreko urtearekin alderatuta, diru-sarrera finantzarioen hazkuntzak konpentsatuta. Bestalde, gastuak 18.746 milioikoak izan dira; % 2,3 egin dute behera, 2019aren aldean.
Euskal Administrazioen likidazio finkatua (milaka euro). 2019-2020
| | 2019 | 2020 | Gehikuntza (%) |
| SARRERAK GUZTIRA | 19.021.597 | 19.670.829 | 3,4 |
| | | | |
| ERAGIKETA ARRUNTAK | 17.744.597 | 16.779.468 | -5,4 |
| Zerga-sarrerak | 16.193.421 | 14.785.737 | -8,7 |
| PFEZ | 5.736.020 | 5.697.121 | -0,7 |
| Sozietate-zerga | 1.355.146 | 1.091.926 | -19,4 |
| BEZA | 6.033.589 | 5.224.239 | -13,4 |
| ZERGA BEREZIAK | 1.641.430 | 1.364.935 | -16,8 |
| Udal zergak | 763.648 | 766.319 | 0,3 |
| BESTE ZERGA BATZUK | 663.588 | 641.196 | -3,4 |
| Bestelako sarrera arruntak | 1.551.176 | 1.993.732 | 28,5 |
| KAPITAL ERAGIKETAK | 150.725 | 173.315 | 15,0 |
| | | | |
| ERAGIKETA EZ-FINANTZARIOAK, GUZTIRA | 17.895.322 | 16.952.783 | -5,3 |
| FINANTZA ERAGIKETAK | 1.126.274 | 2.718.046 | 141,3 |
| | | | |
| GASTUAK GUZTIRA | 19.186.225 | 18.745.944 | -2,3 |
| | | | |
| ERAGIKETA ARRUNTAK | 15.267.188 | 15.903.803 | 4,2 |
| Pertsonal gastuak | 3.934.114 | 4.050.572 | 3,0 |
| Transferentzia arruntak | 5.291.677 | 5.639.082 | 6,6 |
| Beste gastu arrunt batzuk | 6.041.396 | 6.214.149 | 2,9 |
| INBERTSIOAK ETA KAPITAL-TRANSFERENTZIAK | 1.728.199 | 1.557.252 | -9,9 |
| | | | |
| ERAGIKETA EZ-FINANTZARIOAK, GUZTIRA | 16.995.387 | 17.461.055 | 2,7 |
| FINANTZA ERAGIKETAK | 2.190.838 | 1.284.890 | -41,4 |
| | | | |
| ERAGIKETA ARRUNTEN SALDOA | 2.477.409 | 875.666 | -64,7 |
| | | | |
| AURREKONTUSALDO EZ-FINANTZARIOA | 899.935 | -508.271 | - |
Data 2022ko Ekainaren 24a
Iturria: Eustat. Sektore Publikoaren Aurrekontuen Estatistikak
Eragiketa ez-finantzarioetan oinarrituta, diru-sarrerek bilakaera negatiboa izan dute –% 5,3 egin dute behera–, eta gastuek % 2,7 egin dute gora, 2019arekin alderatuta. Emaitza Aurrekontuko Saldo Ez Finantzarioan ageri da; negatiboa izan da, 508 milioi euroan, 2020an, eta 900 milioi euro positibo, 2019an.
Bestalde, finantza-eragiketen analisiari dagokionez, kontrako bilakaerak ikusten dira diru-sarrera eta gastuen artean; izan ere, diru-sarrera finantzarioak 2.718 milioi eurora iritsi dira (+% 141,3), eta gastu finantzarioak 1.285 milioi eurora, alegia, % 41,4ko jaitsiera aurreko urtearekin alderatuta.
Diru-sarrera ez-finantzarioek bilakaera negatiboa izan dute (–% 5,3), funtsean diru-sarrera arruntek izan duten jaitsieraren ondorioz (–% 5,4); diru-sarrera guztien % 86,2 izan dira. Kapital-eragiketen araberako diru-sarrerek –pisu txikia dute– % 15,0eko igoera izan dute.
2020an, COVID 19ak kolpatu duen urtean, zerga bidezko diru-sarreren datuek portaera negatiboak izan dituzte, ekonomiaren sektoreetako ezohiko jarduerarekin lotuta. Hala, partida honek –diru-sarrera guztien % 75,2 hartu du– beheranzko baterako tasa izan du, % 8,7koa.
Zerga-beherakada handienak sozietateen gaineko zergak eta zerga bereziek ekarri dute, % 19,4ko eta % 16,8 beherakadak izan baitituzte. Hala ere, PFEZ eta BEZa dira pisu gehien dutenak, % 38,5eko eta % 35,3ko ekarpena egiten baitiote guztizkoari. BEZari dagokionez, kontzeptu horrengatiko diru-sarrerek % 13,4 egin dute behera, 2019aren aldean, eta PFEZk beherakada txikia izan du (–% 0,7). Beste zerga batzuen ondoriozko diru-sarrerek (% 4,3ko pisua) % 3,4 egin dute behera.
Bilakaera positiboa izan dute udal-zergek (% 0,3 egin dute gora), baina zergen % 5,2 baino ez dira.
Iturria: Eustat. Sektore publikoaren aurrekontuen estatistikak
Aldi erabilgarriak
Beste diru-sarrera arruntak –tasak, transferentziak eta ondare diru-sarrerak jasotzen dituzte, besteak beste– eragiketa arruntengatiko diru-sarrera guztien % 10,1 izan dira, eta % 28,5eko igoera izan dute.
Gastu arruntei dagokienez, % 4,2ko igoera izan dute. Igoera hori, nagusiki, Transferentzia arrunten partidak eragin du; izan ere, gastu guztiei dagokienez % 30,1eko pisua izanik, % 6,6ko igoera izan du, 2019aren aldean. Bigarrenik, langileen gastuen partidak; izan ere, gastu guztien gainean % 21,6ko pisua izanik, % 3,0 egin dute gora. Azkenik, Beste gastu arrunt batzuek % 2,9 egin dute gora.
Bestalde, Inbertsio eta kapital-transferentzietako gastuak gastu osoaren % 8,3 izan dira, eta % 9,9ko jaitsiera erregistratu dute, 2019aren aldean.
Erakundeen arabera, Eusko Jaurlaritzak 638 milioiko aurrekontu-saldo ez-finantzario negatiboa erregistratu du. Lurralde-mailako administrazioen artean (foru-aldundiak eta toki-erakundeak), Gipuzkoa da saldo negatiboa duen lurralde bakarra, 24 milioikoa, aldundiaren beraren eta haren erakunde autonomoen saldoen (–18 milioi) eta gainerako tokiko erakundeen ondorioz (–6 milioi). Beste bi lurraldeek saldo positiboak izan dituzte, baina 2019an baino moderatuagoak.
Euskal Administrazioen datu finkatuak (milaka euro). 2020
| | Guztizko bateratua | Eusko Jaurlaritza | Araba / Álava | Bizkaia | Gipuzkoa |
| | | | | | |
| SARRERA ARRUNTAK | 16.779.468 | 10.150.450 | 2.587.644 | 8.217.996 | 5.234.308 |
| GASTU ARRUNTAK | 15.903.803 | 10.010.845 | 2.484.988 | 7.784.671 | 5.034.227 |
| ERAGIKETA ARRUNTEN SALDOA | 875.666 | 139.605 | 102.656 | 433.325 | 200.081 |
| | | | | | |
| KAPITAL-SARRERAK | 173.315 | 69.941 | 30.500 | 48.730 | 47.310 |
| KAPITAL GASTUAK | 1.557.252 | 847.129 | 129.134 | 332.778 | 271.377 |
| AURREKONTUSALDO EZ-FINANTZARIOA | -508.271 | -637.583 | 4.022 | 149.276 | -23.987 |
| | | | | | |
| ZOR BIZIA (20-12-31 amortizatzeke) | 12.587.106 | 10.062.027 | 597.442 | 1.530.102 | 397.535 |
Data 2022ko Ekainaren 24a
Iturria: Eustat. Sektore Publikoaren Aurrekontuen Estatistikak
Zor bizia (erakundeek finantza-erakundeekin epe luzera dituzten maileguen ondorioz ordaintzeko duten zorra), 2020ko abenduaren 31n, 12.587,1 milioi eurokoa izan da, BPGren % 17,6. 2020ko pasibo berriak 2.662,7 milioikoak izan dira, eta amortizazioak, 1.007,2 milioikoak.
2020aren amaieran amortizatzeko zor bizi osotik, Eusko Jaurlaritzarena % 79,9 da, Bizkaiarena % 12,2, Gipuzkoarena % 3,2 eta Arabarena gainerako % 4,7a.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastian kalea, 1 01010 Vitoria-Gasteiz
Prentsa-zerbitzua: servicioprensa@eustat.es Tel.: 945 01 75 62