2022/12/21eko prentsa-oharra

ESTABLEZIMENDU TURISTIKO HARTZAILEEN INKESTA. Hotelak izan ezik. 2022ko azaroa

Euskal AEko landetxeetako sarrera eta ostatu-gauen kopuruek % 10,9 eta % 4,6 egin dute gora 2022ko azaroan, hurrenez hurren

Apartamentu turistikoetan, sarrerek % 37,8 egin dute gora, eta ostatu-gauek, % 15,7

Euskal AEko landetxeetako sarrera eta ostatu-gau kopuruek gora egin dute, 2022ko azaroan, eta 8.500 eta 18.520 izan dira guztira, hurrenez hurren; alegia, urte arteko igoera sarreretan %10,9koa izan da eta, ostatu-gauetan, % 4,6koa, Eustatek emandako datuen arabera.

Jatorria kontuan hartuta, Estatuko jatorria izan duten sarreren kopuruak gora egin du % 8,6 eta ostatu-gauenak behera, % 0,7. Atzerriko jatorrikoek, berriz, % 32,0 egin dute gora sarreren kasuan, eta % 58,6 behera, ostatu-gauenean.

2022ko azaroan Euskal AEko landetxeetan izan diren sarreren % 88,5 Estatuko jatorrikoak izan dira. Atzerriko jatorriko 974 kopuru osoaren % 11,5 dira. Ostatu-gauetan, banaketa antzekoa izan da; izan ere, % 86,6 nazionalak izan dira eta gainerako % 13,4a, atzerriko jatorrikoa.

2022ko azaroan, urte arteko aldakuntzak sarrera kopuruan ez dira homogeneoak izan lurralde historikoaren arabera. Gipuzkoan, sarrera kopuruak % 1,0 egin du behera eta, Araban eta, Bizkaian, berriz, % 18,9 eta % 27,6 gora, hurrenez hurren. Ostatu-gauen kasuan, beherakada % 2,9koa izan da Gipuzkoan, eta balio positiboak izan dituzte bai Araban (% 6,7) bai Bizkaian (% 18,3ko igoera).

Establezimendu mota horretako batez besteko egonaldia 2,18 egunekoa izan da 2022ko azaroan, 2021eko hil berean baino pixka bat baxuagoa, orduan 2,31 egunekoa izan baitzen.

Plazen eta gelen okupazio-mailek urte arteko igoera txikia izan dute: ehuneko 0,8 eta 1,8 puntu, hurrenez hurren; plazen arabera neurtuta, % 14,5, eta, gelen arabera neurtuta, % 18,2.

Euskal AEko apartamentu turistikoetan, sarrerak % 37,8 areagotu dira eta ostatu-gauak, % 15,7, 2022ko azaroan

Apartamentu turistikoei dagokienez, 2022ko azaroan, sarrerek eta ostatu-gauek honako balio hauek izan dituzte: 8.952 eta 37.857, hurrenez hurren. Aurreko urteko azaroarekin alderatuta, sarreren urte arteko hazkuntza % 37,8koa izan da, eta ostatu-gauena, % 15,7koa.

Igoera horiek Estatuko jatorria duten pertsonen kopuruan (% 36,7 sarreretan eta % 15,0 ostatu-gauetan) eta atzerriko jatorria dutenen kopuruan (% 41,5 eta % 17,3, hurrenez hurren) izan dira.

Lurralde historikoei dagokienez, sarreren eta ostatu-gauen hazkuntzaren buru Bizkaia izan da, % 39,0ko eta % 38,4ko hazkuntzak izan baititu, hurrenez hurren. Gipuzkoan, sarreren igoera % 36,5ekoa izan da eta ostatu-gauena, % 14,6koa. Araban, azkenik, sarreretan % 34,0ko igoera izan da, eta ostatu-gauetan, % 12,3ko jaitsiera.

Establezimendu mota horretako batez besteko egonaldia 4,23 egunekoa izan da 2022ko azaroan, 2021eko azaroan baino baxuagoa, orduan 5,04 egunekoa izan baitzen.

Plazen araberako okupazio-maila, Euskal AEn, % 28,2koa izan da, eta, apartamentuen arabera neurtuta, % 54,9koa.

Informazio-oharrak

Landetxeen ETHaren erantzun-tasa % 93,2koa izan da, eta apartamentu turistikoena, % 80,6koa, 2022ko azaroan.

Eustatek eskerrak ematen dizkie inkesta honetan parte hartu duten establezimendu guztiei.

Argibide gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastian kalea, 1 01010 Vitoria-Gasteiz Prentsa Zerbitzua: servicioprensa@eustat.eus Tel.: 945 01 75 62