2022/11/25eko prentsa-oharra
ERAIKUNTZAREN KOSTUEN INDIZEA. 2022KO URRIA
Eraikuntza-kostuek, Euskal AEn, % 0,4 egin dute gora 2022ko urrian
Urte arteko terminoetan, 2022ko urrian, 2021eko urriaren aldean, kostuek % 9,9 egin dute gora
Euskal AEko Eraikuntzaren kostuen indizeak % 0,4 egin du gora 2022ko urrian, aurreko hilarekin alderatuta, Eustatek emandako datuen arabera. Aurreko urteko hil berarekin alderatuta, kostuek % 9,9 egin dute gora.
Etxegintzako kostuek % 0,2 egin dute gora, eta Obra Zibilekoek, % 1,3. 2021eko urriarekin alderatuta, prezioak % 12,5 igo dira Obra Zibilaren kasuan eta % 9,3, Etxegintzaren kasuan.
Aurreko hilaren aldean, 2022ko irailaren aldean, lehengaien kostuek % 0,6 egin dute gora, eta eskulanaren kostuak egonkor dirau (% 0,0). Urte arteko terminoetan, lehengaien kostuak % 11,2 egin du gora, eta eskulanenak, % 5,8.
Lehengaien kostuak Etxegintzaren sektorean % 0,3 egin du gora, hilen artean, eta Obra Zibilarenean, % 1,7. Urte arteko bilakaeran, Etxegintzako lehengaien kostuek % 10,4 egin dute gora, eta Obra Zibilekoek, % 14,5.
Euskal AEko eraikuntzaren kostuen indizea. Aldakuntza-tasak (p). Urria 2022
| | Indizea | Aldakuntza (%) |
| | | m/m-1 | m/m-12 |
| Guztira | 121,6 | 0,4 | 9,9 |
| Eraikinak | 120,7 | 0,2 | 9,3 |
| Obra zibila | 125,5 | 1,3 | 12,5 |
| | | | |
| Lehengaiak | 123,1 | 0,6 | 11,2 |
| Eraikinak | 122,0 | 0,3 | 10,4 |
| Obra zibila | 128,2 | 1,7 | 14,5 |
| | | | |
| Laneskua | 116,7 | 0,0 | 5,8 |
Oinarria 2015=100
m / m-1 Azken hileko (m) aldakuntza-tasa, aurreko hilaren (m-1) aldean
m/m12 Azken hileko (m) aldakuntza-tasa, aurreko urteko hil beraren (m-12) aldean
(p)Behinbehineko datuak
Data 2022ko Azaroaren 25a
Iturria: Eustat. Eraikuntzaren Kostuen Indizea
Eraikuntzaren sektorean kontsumitutako lehengaien prezioetan, 2022ko urrian, 2021eko urriarekin alderatuta, igoerarik handienak erregistratu dituztenak honako sektore hauetakoak izan dira: Energia elektrikoa eta gasa (% 47,4), Petrolio-fintzea (% 42,2) eta Metalurgia (% 30,5). Prezioetan honako sektore hauek izan dute hazkuntzarik moderatuena: Material elektronikoa (% 1,7 igoera) eta Makinen fabrikazioa (% 4,0ko igoera).
Euskal AEn kontsumitutako lehengaien prezioak, sektorearen arabera (A64). Urte arteko aldakuntza-tasa (p). Urria 2022
| | m / m-12 |
| Ezmetalezko meak | 5,4 |
| Zuraren eta kortxoaren industria | 23,9 |
| Petrolioa fintzea | 42,2 |
| Industria kimikoa | 26,1 |
| Kautxua eta plastikoa | 6,7 |
| Produktu mineral ez-metalezkoak | 14,9 |
| Metalgintza | 30,5 |
| Metalezko artikuluak | 12,2 |
| Material elektronikoa | 1,7 |
| Material elektrikoa | 5,1 |
| Makineriaren fabrikazioa | 4,0 |
| Altzarigintza | 8,0 |
| Energia elektrikoa eta gasa | 47,4 |
Oinarria 2015=100
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Data 2022ko Azaroaren 25a
Iturria: Eustat. Eraikuntzaren Kostuen Indizea
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastian kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62