2022/12/05eko prentsa-oharra
INDUSTRIA PRODUKZIOAREN INDIZEA. 2022KO URRIA
Euskal AEko industria-jarduera % 4,9 hazi zen 2022ko urrian
2022ko lehen hamar hilabeteetan % 6,1eko hazkunde metatua izan da
Eustaten datuen arabera, eta lan-egutegiko baldintza homogeneotan, Euskal AEko industria-produkzioa, 2022ko urrian, 2021eko hil berean izandakoa baino % 4,9 handiagoa izan da.
Urria eta aurreko hilabetea, 2022ko iraila, alderatuta, Euskal AEko industria-jarduera % 2,5 hazi da, urtaro-ondorioak behin zuzenduta.
2022ko urriko indizearen bilakaerak, 2021eko urriaren aldean, portaera positiboa izan du industria-sektore handi guztietan: Ekipo-ondasunak, non motordun ibilgailuen fabrikazioa, tren-makinen eta trenbide-materialen egitea eta aireontziak edo itsasontziak egitea sartzen diren, % 5,7 igo dira.
Hazkunde bera izan dute Kontsumo-ondasunek sektorearen guztirakoan (% 5,7), ezen Kontsumo-ondasun ez-iraunkorren produkzioa % 6,3 igo da, eta Kontsumo-ondasun iraunkorren produkzioa, era berean, % 3,8. Kontsumo-ondasun iraunkorren artean daude, besteak beste, altzarien eta etxeko tresnen fabrikazioa. Kontsumo-ondasun ez-iraunkorren epigrafean honako hauek daude: elikagaiak prozesatzeko eta kontserbatzeko jarduerak, garbiketarako eta higienerako produktuen fabrikazioa, eta jantziak egitea.
Energiaren sektorean, non energia elektrikoaren ekoizpena eta hornidura eta petrolioaren fintzea dauden, % 4,7 hazi da produkzio-indizea; Bitarteko ondasunak, berriz, % 4 igo dira urte arteko terminoetan. Sektore horretan honako jarduera hauek sartzen dira, besteak beste: metalurgia eta produktu metalikoen fabrikazioa, industria kimikoa eta kautxuzko eta plastikozko produktuen fabrikazioa.
Euskal AEko Industria produkzioaren indizea lurralde historikoaren eta ondasunen helburu ekonomikoaren arabera. Aldakuntza-tasak (p). Urria 2022
| | Egutegi eraginak zuzendutako datuak | Datu desestazionalizatuak |
| | m / m-12 | Am / A(m-12) | m / m-1 |
| INDIZE OROKORRA | | | |
| Euskal AE | 4,9 | 6,1 | 2,5 |
| Araba/Álava | 7,5 | 6,3 | 0,2 |
| Bizkaia | 3,8 | 7,5 | 1,5 |
| Gipuzkoa | 4,4 | 4,8 | 5,0 |
| ONDASUNEN HELBURU EKONOMIKOAREN ARABERAKO INDIZEAK | | | |
| Kontsumo-ondasunak | 5,7 | 4,8 | 2,2 |
| Kontsumoondasun iraunkorrak | 3,8 | -1,3 | 9,9 |
| Kontsumoondasun ez-iraunkorrak | 6,3 | 6,4 | 0,4 |
| Ekipo-ondasunak | 5,7 | 9,9 | 1,5 |
| Bitarteko ondasunak | 4,0 | 2,0 | 2,8 |
| Energia | 4,7 | 14,1 | 1,4 |
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Am / A(m-12) Urte arteko aldakuntza-tasa , urtarriletik behatutako azken hilera arte metatutako aldian (Am), aurreko urtean pilatutako aldi beraren (A(m-12)) aldean
m / m-1 Azken hileko (m) aldakuntza-tasa, aurreko hilaren (m-1) aldean
Data 2022ko Abenduaren 5a
Iturria: Eustat. Industria-produkzioaren indizea
Maila bereiziagoan, Euskal AEko industrian pisu handiena duten zortzi sektoreetako batek ere ez du beherakadarik izan bere ekoizpenean; hauek izan dira urte arteko hazkunderik handiena izan dutenak 2022ko urrian: Makineria eta ekipoa (% 10,5), Garraio-materiala (% 10,3) eta Energia elektrikoa, gasa eta lurruna (% 6,7). Material eta ekipo elektrikoa (% 2,1) eta Zura, papera eta arte grafikoak (% 1,8) sektoreek izan dituzte hazkunderik apalenak.
Euskal AEko Industria produkzioaren indizea. Sektore A38 nagusiak (1). Urte arteko hazkunde-tasa (p). Urria 2022
| | m / m-12 |
| Elikadura ind., edariak, tabakoa | 3,1 |
| Zurgintza, papera eta arte grafikoak | 1,8 |
| Kautxua eta plastikoak | 4,2 |
| Metalurgia eta produktu metalikoak | 3,5 |
| Materiala eta tresna elektrikoak | 2,1 |
| Makineria eta tresneria | 10,5 |
| Garraio-materiala | 10,3 |
| Energia elektrikoa, gasa eta lurruna | 6,7 |
(p)Behinbehineko datuak
Egutegi eraginak zuzendutako datuak
(1)Euskal Aeko industrian pisurik handiena duten sektoreak
Data 2022ko Abenduaren 5a
Iturria: Eustat. Industria-produkzioaren indizea
Industria-produkzioaren indizearen urte arteko bilakaera positiboa izan da 2022ko urrian hiru lurraldeetan: Araban % 7,5 hazi da industria-jarduera, Gipuzkoan % 4,4 eta Bizkaian % 3,8.
2022KO LEHENBIZIKO HAMAR HILETAKO BALANTZEA
2022ko urtarriletik urrira bitartean, industria-sektore osoan metatutako hazkundea % 6,1ekoa izan da. Bilakaera positibo hori hala Energiaren nola Ekipo-ondasunen portaera onaren ondorio da; izan ere, aurten % 14,1eko eta % 9,9ko hazkunde metatuak izan dira, hurrenez hurren.
Lurraldeka, hiru lurraldeetan nabaritzen dira tasa metatu positiboak: % 7,5ekoa Bizkaian, % 6,3koa Araban eta % 4,8koa Gipuzkoan.
INFORMAZIO OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, hilabete honetako indizea laginaren % 90,95eko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62