2023/01/18ko prentsa-oharra
UDAL BPGd. 2020
Euskal AEko hiru hiriburuek sortutako BEGd-aren % 70 baino gehiago zerbitzuen sektorearen ondorio izan da 2020an
Euskal AEko eskualde guztietan, gutxienez haren eskualdearen balio erantsi osoaren % 22 sortzen duen udalerri bat nabarmentzen da
Ekoizpen-sektoreek, 2020an, Euskal AEko hiru hiriburuetan sortutako balio erantsi gordina (BEGd), nagusiki, Zerbitzuen sektorearen jardueran oinarritzen da: BEGd osoaren % 91,7 dagokio, Bilboren kasuan; % 89,4, Donostiaren kasuan, eta % 70,0, Vitoria-Gasteizen kasuan, Eustatek emandako datuen arabera.
Euskal AEko hiru hiriburuen egitura ekonomikoa Euskal AE osoarekin erkatuz gero ikusten da antzekotasun handia dagoela jarduera-sektoreei dagokienez; zerbitzuek, haietan guztietan, BEGd osoaren % 70,0 baino gehiago kontzentratzen dute. Honako zerbitzu hauek nabarmentzen dira: Administrazio publikoa, hezkuntza eta osasuna; Merkataritza, ostalaritza eta garraioa, Higiezinen jarduerak eta Lanbide-jarduerak.
Euskal AEko hiriburuetako Balio Erantsi Gordinaren (BEG) banaketa, jarduera-sektoreen arabera (%). 2020
| | Euskal AE | Bilbao | Donostia / San Sebastian | Vitoria-Gasteiz |
| Guztira | 100,0 | 100,0 | 100,0 | 100,0 |
| NEKAZARITZA, ABELTZAINTZA, ARRANTZA | 0,8 | 0,0 | 0,0 | 0,2 |
| INDUSTRIA ETA ENERGIA | 22,8 | 3,6 | 5,1 | 25,1 |
| Manufaktura-industria | 19,5 | 1,6 | 3,3 | 21,7 |
| ERAIKUNTZA | 5,6 | 4,7 | 5,5 | 4,8 |
| ZERBITZUAK | 70,8 | 91,7 | 89,4 | 70,0 |
| Merkataritza, ostalaritza eta garraioa | 18,5 | 17,7 | 15,2 | 16,8 |
| Informazioa eta komunikazioak | 3,3 | 7,1 | 4,5 | 2,1 |
| Finantza jarduerak eta aseguruak | 4,5 | 8,8 | 6,9 | 3,9 |
| Higiezinen jarduerak | 12,6 | 13,7 | 15,3 | 10,2 |
| Jarduera profesionalak | 9,5 | 15,7 | 13,4 | 9,5 |
| Adm. publik. hezkuntza, osasungintza | 19,0 | 23,4 | 29,3 | 24,1 |
| Bestelako zerbitzu-jarduerak | 3,6 | 5,3 | 4,8 | 3,4 |
Data 2023ko Urtarrilaren 18a
Iturria: Eustat. Udal BPG
Hiru hiriburuetatik, Vitoria-Gasteizko egitura ekonomikoak du erkidegoarenaren antzekotasunik handiena, Arabako hiriburuko BEGd-aren % 25,1 eta Euskal AEko % 22,8 kontzentratzen dituzten industria-jardueren ondorioz.
Eskualde bakoitzean BEGd-aren pisu handiena duten udalerriak
Euskal AEko eskualde bakoitzean BEGd-aren bolumen handiena sortzen duten udalerriak aztertuta, guztietan gailentzen da udalerri bat, eskualde osoaren % 22,0 baino gehiago kontzentratzen duena.
Arabako lurralde historikoan ikusten da eskualdeko udalerri baten BEGd kontzentraziorik handiena; haietan guztietan BEGd-aren % 30,0 gainditzen da. Vitoria-Gasteiz udalerria nabarmentzen da; dagokion eskualdeko, Arabako Lautadako, BEGd-aren % 93,9 sortzen du, eta Motordun ibilgailuen fabrikazioa eta Kautxuaren produktuak ditu jarduera nabarmenenak. Baita Legutio ere; Gorbeialdeko BEGd-aren % 60,9 kontzentratzen du, besteak beste, honako jarduera hauen industria-ekoizpenari esker: Ingeniaritza mekanikoa, Siderurgia edo Motordun ibilgailuetarako osagaien fabrikazioa.
Gipuzkoan, Bidasoa Beherea eskualdean, Irun da eskualdeko BEGd-aren % 80,7 sortzen duena, nagusiki Higiezinen jardueretan, Eraikuntzan, Merkataritzan eta Salgaien garraioarekin zerikusia duten jardueretan oinarrituta. Ondoren, Donostia / San Sebastián udalerria dago; Donostialdeko BEGd-aren % 61,5 kontzentratzen du. Eta, gero, Eibar, Debabarreneko BEGd-aren % 41,1ekin. Bi udalerri horietan presentzia handia dute zerbitzuen jarduerek.
Bizkaian, beste bi lurralde historikoekin erkatuta, BEGd kontzentrazio txikiagoa dago udalerri eta eskualdeetan; Mungia da, Plentzia-Mungia eskualdean, pisu handiena duena, eskualdeko BEGd-aren % 42,6rekin, Material eta ekipo elektrikoaren eta Makineriaren jarduerei edo Higiezinen jarduerei esker, besteak beste. Dagokion eskualdean BEGd handiena kontzentratzen duen bigarren udalerria Bilbo da, Bilbo Handikoa, BEGd osoaren % 41,6, eta haren egitura ekonomikoa zerbitzuen sektorean oinarritzen da. Jarraian, Gernika-Bermeo eskualdean, Bermeo udalerria dago, BEGd-aren % 38,0rekin, udalerriko arrantza-jarduera handiari esker.
Ohar metodologikoa
Jarduera ekonomikoa, ekoizpen-sektoreek (lehen mailakoa, industria, eraikuntza eta zerbitzuak) sortzen duten balio erantsiaren bidez neurtua, haren ekoizpen-unitateak dauden lurraldeari lotzen zaio. Errenta, berriz, pertsonei eta haien bizilekuari lotuta dago.
Argibide gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastian kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62