Prentsa-oharra 2023/03/03
HIRUHILEROKO KONTUAK. IV/2022
Euskal AEko BPG % 4,4 hazi da 2022an eta enpleguak pandemia aurreko mailak gainditu ditu
Urteko laugarren hiruhilekoan BPG % 2,9 hazi da aurreko urteko laugarren hiruhilekoaren aldean eta % 0,5 aurreko hiruhilekoaren aldean
2022. urte osoan, Barne Produktu Gordinaren (BPG) hazkundea % 4,4koa izan da, eta enpleguarena % 3,1ekoa, Eustatek egindako kalkuluen arabera. 2022. urtean lanaldi osoko 30.000 lanpostu baliokide baino gehiago sortu dira, eta pandemiaren aurreko enplegu-mailak gainditzen dira. Lurralde historikoen arabera, BPGren urteko hazkundea % 4,3koa izango da Araban, % 4,5ekoa Bizkaian eta % 4,2koa Gipuzkoan.
2022ko laugarren hiruhilekoan, Euskal AEko BPGk % 2,9ko hazkundea izan du aurreko urteko hiruhileko beraren aldean. Aurreko hiruhilekoarekin alderatuta, aurreikusitako hazkundea % 0,5ekoa izan da.
BPGren hazkundearen zenbatespen horiek hamarren bat hobetu dituzte 2023ko urtarrilaren 16ko hiruhileko kontuen aurrerapenerako zenbatetsitakoak, bai urte osorako, bai urteko laugarren hiruhilekorako, urte arteko eta hiruhileko arteko datuei dagokienez.
2022ko laugarren hiruhilekoan zenbatetsitako urte arteko hazkundea Euskal AEko ekonomiarako, Europar Batasun osoan eta Estatu Batuetan baino nabarmen handiagoa, Espainiako ekonomiarako zenbatetsitakoa baino 2 hamarren handiagoa da.
Eskaintzaren ikuspegitik, sektore guztiek urte arteko hazkunde positiboak izan dituzte, bai urteko laugarren hiruhilekoan, bai 2022an.
Lehen sektoreak balio erantsiaren % 0,7ko hazkundea izan du balio errealetan, aurreko urteko hiruhileko beraren aldean, baina hirugarren hiruhilekoaren aldean % 13,3ko uzkurdura izan du. Urte osoan, hazkunde-tasa % 0,8an zenbatetsi da.
Industriaren balio erantsiak % 2,5eko urte arteko aldakuntza izan du aurreko urteko hiruhileko beraren aldean, hau da, % 2,4ko hazkundea aurreko hiruhilekoaren aldean. Urte osoan, balio erantsia % 4,6 igo da.
Manufaktura-industria erritmo biziagoan hazi da urteko azken hiruhilekoan, % 2,8ko tasarekin, nahiz eta aurreko hiruhilekoaren aldean hazkunde zenbatetsia % 2,0koa izan. 2022. urte osoan, hazkundea % 4,3koa izan da.
BPG m/p. Eskaintza. Bolumen-indize kateatuak. Urte arteko aldakuntza-tasak. Euskal AE (%). 2022/IV
| | 2021 | 2022 | 2021 | 2022 |
| | | | IV | I | II | III | IV |
| NEKAZARITZA, ABELTZAINTZA, ARRANTZA | 21,9 | 0,8 | 14,5 | -1,7 | -3,4 | 7,8 | 0,7 |
| INDUSTRIA ETA ENERGIA | 6,1 | 4,6 | 3,7 | 6,5 | 5,9 | 3,6 | 2,5 |
| Manufaktura-industria | 5,6 | 4,3 | 2,5 | 5,9 | 5,7 | 2,6 | 2,8 |
| ERAIKUNTZA | 4,5 | 2,0 | 2,5 | 1,9 | 1,3 | 2,3 | 2,4 |
| ZERBITZUAK | 5,8 | 4,7 | 5,5 | 6,2 | 5,4 | 4,2 | 3,2 |
| Merkataritza, ostalaritza eta garraioa | 11,8 | 10,7 | 14,6 | 13,1 | 13,8 | 9,8 | 6,5 |
| Herri administrazioa, hezkuntza, osasun eta gizarte zerbitzuetako jarduerak | 3,1 | 1,8 | 3,2 | 3,0 | 1,1 | 1,0 | 1,9 |
| -Gainerako zerbitzuak | 4,0 | 2,8 | 1,7 | 3,9 | 2,7 | 2,5 | 1,9 |
| BALIO ERANTSI GORDINA oinarrizko prezioetan | 5,9 | 4,5 | 5,0 | 6,0 | 5,2 | 4,0 | 3,0 |
| PRODUKTUEN GAINEKO ZERGA GARBIAK | 6,1 | 3,3 | 4,1 | 3,9 | 2,9 | 2,6 | 2,8 |
| BARNE-PRODUKTU GORDINA merkatu-preziotan | 5,9 | 4,4 | 4,9 | 5,8 | 5,0 | 3,8 | 2,9 |
Urtaroen eta egutegiaren eragina zuzendutako datuak
Data 2023ko Martxoaren 3a
Iturria: Eustat. Hiruhileroko kontuak
Eraikuntzaren sektorearen portaera neurritsuagoa izan da: 2022ko azken hiruhilekoan balio erantsia % 2,4 igo da 2021eko azken hiruhilekoarekin alderatuta, eta % 1,4 2022ko hirugarren hiruhilekoarekin alderatuta. 2022an, eraikuntzaren sektorearen hazkundea % 2,0koa izan da.
Zerbitzuen sektorearen jarduera globalak urteko azken hiruhilekoan % 3,2 egin du gora urte arteko terminoetan, eta % 0,3 hiruhileko arteko terminoetan.
Merkataritza, ostalaritza eta garraioa adarrak % 6,5eko hazkundea izan du aurreko urteko hiruhileko beraren aldean, eta % 0,2koa aurreko hiruhilekoaren aldean. 2022an jardueraren hazkundea % 10,7ra iritsi da.
Administrazio publikoa, hezkuntza, osasuna eta gizarte-zerbitzuak adarrean, laugarren hiruhilekoan urte arteko % 1,9ko hazkunde-tasarekin, balio erantsiaren igoera % 1,0koa izan da aurreko hiruhilekoaren aldean. 2022 urte osoko batez besteko hazkundea % 1,8 izan da.
Azkenik, Gainerako zerbitzuen adarrean bildutako jarduerek –besteak beste higiezinen jarduerak, jarduera profesionalak, zientifikoak eta teknikoak, baita finantza eta aseguruetakoak ere – % 2,8ko hazkundearekin itxi dute 2022. urtea, 2021. urtearekin alderatuta. 2022ko laugarren hiruhilekoan, balio erantsiaren igoera % 1,9koa izan da aurreko urteko hiruhileko beraren aldean, eta bere horretan mantendu da aurreko hiruhilekoaren aldean.
2022ko laugarren hiruhilekoko agregatu sektorialen portaerak Balio Erantsiaren bilakaera positiboa ekarri du, bai urte arteko terminoetan, % 3,0ko hazkundea, bai hiruhileko artekoetan, % 0,7ko igoera. Urte osoan, tasa % 4,5ekoa izan da.
BPG m/p. Eskaintza. Bolumen-indize kateatuak. Hiruhileko arteko aldakuntza-tasak. Euskal AE (%). 2022/IV
| | 2021 | 2022 |
| | IV | I | II | III | IV |
| NEKAZARITZA, ABELTZAINTZA, ARRANTZA | -7,2 | 0,8 | 11,5 | 3,3 | -13,3 |
| INDUSTRIA ETA ENERGIA | 3,5 | 2,4 | 0,9 | -3,1 | 2,4 |
| Manufaktura-industria | 1,8 | 2,8 | 1,5 | -3,3 | 2,0 |
| ERAIKUNTZA | 1,4 | 1,9 | -2,0 | 1,1 | 1,4 |
| ZERBITZUAK | 1,2 | 0,6 | 1,1 | 1,1 | 0,3 |
| Merkataritza, ostalaritza eta garraioa | 3,4 | 2,9 | 2,9 | 0,3 | 0,2 |
| Herri administrazioa, hezkuntza, osasun eta gizarte zerbitzuetako jarduerak | 0,1 | 0,8 | -0,6 | 0,7 | 1,0 |
| -Gainerako zerbitzuak | 0,5 | -0,9 | 1,0 | 1,9 | 0,0 |
| BALIO ERANTSI GORDINA oinarrizko prezioetan | 1,7 | 1,1 | 1,0 | 0,2 | 0,7 |
| PRODUKTUEN GAINEKO ZERGA GARBIAK | -1,0 | 1,5 | 2,5 | -0,3 | -0,3 |
| BARNE-PRODUKTU GORDINA merkatu-preziotan | 1,4 | 1,1 | 1,1 | 0,1 | 0,5 |
Urtaroen eta egutegiaren eragina zuzendutako datuak
Data 2023ko Martxoaren 3a
Iturria: Eustat. Hiruhileroko kontuak
Eskariaren aldetik, etxeetako azken kontsumoko gastua eta ISFLSH (Kontsumo pribatua) aurreko urteko hiruhileko berean zenbatetsitakoa baino % 2,3 handiagoa izan da, aurreko hiruhilekoaren aldean % 0,9ko hazkundea izan ondoren. 2022an, kontsumo pribatua 2021ean baino % 3,0 handiagoa izan da.
Kontsumo publikoak (Administrazio publikoen azken kontsumoko gastua) % 1,2ko hazkundea izan du urteko azken hiruhilekoan urte artean, hau da, % 2,2koa aurreko hiruhilekoaren aldean. 2021arekin alderatuta, Kontsumo publikoak % 0,4 egin du behera.
BPG m/p. Eskaria. Bolumen-indize kateatuak. Urte arteko aldakuntza-tasak. Euskal AE (%). 2022/IV
| | 2021 | 2022 | 2021 | 2022 |
| | | | IV | I | II | III | IV |
| GASTUA AZKEN KONTSUMOAN | 5,2 | 2,2 | 3,8 | 2,9 | 1,8 | 2,0 | 2,1 |
| Familien eta EZMAEDE-en azken kontsumo gastua | 5,6 | 3,0 | 4,0 | 3,5 | 3,2 | 2,7 | 2,3 |
| Herri administrazioen azken kontsumo gastua | 3,9 | -0,4 | 3,3 | 0,7 | -2,9 | -0,4 | 1,2 |
| KAPITALAREN OSAKETA GORDINA | 6,0 | 4,4 | 3,0 | 4,7 | 4,8 | 5,1 | 2,9 |
| Kapital finkoaren eraketa gordina ekipo-ondasunetan | 10,9 | 6,9 | 5,7 | 8,6 | 8,4 | 7,3 | 3,6 |
| Gainerako Kapitalaren Eraketa Gordina | 3,1 | 2,7 | 1,3 | 2,2 | 2,4 | 3,7 | 2,5 |
| BARNE-ESKARIA | 5,4 | 2,7 | 3,6 | 3,3 | 2,5 | 2,7 | 2,3 |
| ONDASUN ETA ZERBITZUEN ESPORTAZIOAK | 12,7 | 10,2 | 13,5 | 13,5 | 13,7 | 9,2 | 4,9 |
| ONDASUNEN ETA ZERBITZUEN INPORTAZIOAK | 11,6 | 7,5 | 9,3 | 10,6 | 8,8 | 6,0 | 4,7 |
| BARNE-PRODUKTU GORDINA merkatu-preziotan | 5,9 | 4,4 | 4,9 | 5,8 | 5,0 | 3,8 | 2,9 |
Urtaroen eta egutegiaren eragina zuzendutako datuak
Data 2023ko Martxoaren 3a
Iturria: Eustat. Hiruhileroko kontuak
Euskal AEetako Azken Kontsumoko Gastuaren eta Etxeetako Azken Kontsumoko Gastuaren baterako bilakaerak urteko azken hiruhilekoan Azken Kontsumoko Gastuaren urte arteko % 2,1eko hazkundea zehazten du. Aurreko hiruhilekoaren aldean % 1,2ko hazkundea izan da. 2022. urte osoan, azken kontsumoaren hazkundea % 2,2koa izan da.
Kapital-eraketa gordinak (inbertsioa) % 2,9ko urte arteko aldakuntza-tasa izan du laugarren hiruhilekoan. Hiruhileko artean, Inbertsioa % 3,3 hazi da, eta 2022an, oro har, % 4,4.
Ekipo-ondasunetako inbertsioaren bilakaera positiboa izan da azken hiruhilekoan, urte arteko % 3,6ko hazkunde-tasarekin eta hiruhileko arteko % 6,2ko tasarekin. Urte osoan, igoera % 6,9koa izan da.
Kapital Eraketa Gordinaren gainerakoan, eraikuntzaren bilakaerari lotuagoa, urte arteko hazkundea % 2,5ekoa izan zen, hiruhileko artean % 1,4koa. Inbertsio mota hori 2021ean baino % 2,7 handiagoa izan da 2022an.
BPG m/p. Eskaria. Bolumen-indize kateatuak. Hiruhileko arteko aldakuntza-tasak. Euskal AE (%). 2022/IV
| | 2021 | 2022 |
| | IV | I | II | III | IV |
| GASTUA AZKEN KONTSUMOAN | 1,2 | 0,5 | 1,1 | -0,7 | 1,2 |
| Familien eta EZMAEDE-en azken kontsumo gastua | 1,3 | 1,2 | 2,0 | -1,8 | 0,9 |
| Herri administrazioen azken kontsumo gastua | 0,6 | -1,9 | -2,1 | 3,1 | 2,2 |
| KAPITALAREN OSAKETA GORDINA | 5,4 | 2,9 | -0,2 | -2,9 | 3,3 |
| Kapital finkoaren eraketa gordina ekipo-ondasunetan | 10,1 | 3,1 | 1,4 | -6,7 | 6,2 |
| Gainerako Kapitalaren Eraketa Gordina | 2,5 | 2,8 | -1,3 | -0,3 | 1,4 |
| ONDASUN ETA ZERBITZUEN ESPORTAZIOAK | 2,9 | 4,8 | 2,9 | -1,6 | -1,2 |
| ONDASUNEN ETA ZERBITZUEN INPORTAZIOAK | 1,8 | 5,5 | 2,3 | -3,5 | 0,6 |
| BARNE-PRODUKTU GORDINA merkatu-preziotan | 1,4 | 1,1 | 1,1 | 0,1 | 0,5 |
Urtaroen eta egutegiaren eragina zuzendutako datuak
Data 2023ko Martxoaren 3a
Iturria: Eustat. Hiruhileroko kontuak
Barne Eskariaren bilakaerak, BPGrena baino hazkunde txikiagoarekin, zehazten du kanpo sektorearen ekarpena positiboa izan dela, bai urteko azken hiruhilekoan, bai 2022 urte osoan. Hala, Esportazioak % 4,9 igo dira urteko laugarren hiruhilekoan, 2021eko azken hiruhilekoarekin alderatuta, eta Inportazioak % 4,7. 2022. urte osoan, igoera % 10,2koa izan da esportazioen kasuan, eta % 7,5ekoa inportazioen kasuan.
Enpleguari dagokionez (lanaldi osoko lanpostu baliokideetan neurtuta), urte arteko datuetan % 1,9ko aldakuntza positiboa zenbatetsi da. Urte arteko tasa horrek % 0,1eko hazkundea dakar 2022ko hirugarren hiruhilekoaren aldean. 2022an, lanpostuen kopurua % 3,1 igo da, hau da, aurreko urtean baino 30.056 lanpostu garbi gehiago daude eta pandemiaren aurreko enplegu-mailak gainditzen dira.
Enpleguaren urte arteko bilakaera positiboa izan da jarduera-adar guztietan, lehen sektorean izan ezik, % 1,6ko atzerakada izan baitu. Gainerako adarretako igoerak, aurreko urteko hiruhileko beraren aldean, % 0,9 izan dira Industrian, % 1,5 Eraikuntzan eta % 2,3 Zerbitzuetan. Hala, 2022an lanaldi osoko lanpostu baliokideak 3.228 izan dira Industrian, 977 Eraikuntzan eta 25.940 Zerbitzuetan.
BPGk lurralde historikoetan duen bilakaerari dagokionez, Arabak % 2,7ko urte arteko tasa izan du urteko laugarren hiruhilekoan, Bizkaiak % 3,0koa eta Gipuzkoak % 2,8koa. Aurreko hiruhilekoaren aldean, BPGren aurrerapenak % 0,9 izan dira Araban eta Gipuzkoan, eta % 0,1 Bizkaian.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62