2023/02/28ko prentsa-oharra
ERAIKUNTZAREN KOIUNTURA INDIZEA. IV/2022
Euskal AEko Eraikuntzaren sektoreko jarduera % 16,1 hazi zen 2022ko laugarren hiruhilekoan
2022ko metatuan, % 11,1eko hazkundea izan da aurreko urtearekin alderatuta, eta nabarmentzekoa da Obra Zibila, % 20 inguruko hazkundea izan baitu
Eustaten datuen arabera, 2022ko laugarren hiruhilekoan, Euskal AEko eraikuntzaren sektoreko jarduera, prezio arruntetan, aurreko urteko hiruhileko berekoa baino % 16,1 handiagoa izan da. Aurreko hiruhilekoaren aldean, urtaro-ondorioak zuzendu ondoren, jarduera % 3,6 igo da prezio arruntetan
Hiruhileko honetako urte arteko hazkundea honako bi arrazoi hauengatik gertatu da: batetik, Etxegintza azpisektoreak urte arteko % 14,4ko igoera izan du, eta, bestetik, Obra Zibilak urteko laugarren hiruhilekoan % 26,6ko hazkunde nabarmena izan du aurreko urteko hiruhileko beraren aldean.
Sektoreak 2022ko laugarren hiruhilekoan izan duen jarduera aurreko hiruhilekoarekin alderatuz gero, urtaro-ondorioak zuzendu ondoren, indizea % 3,6 igo da termino nominaletan edo prezio arruntetan. Etxegintzako jarduerak hiruhileko arteko % 3,2ko bilakaera positiboa izan du, eta Obra Zibilekoak % 5,8koa.
Euskal AEko eraikuntzaren koiunturako indizea. Aldakuntza tasak (%). Uneko prezioak (p). 2022/IV
| | Egutegiaren eragina zuzenduta | Desestazionalizatua |
| | t/t-4 | At/At-1 | t/t-1 |
| Produkzioaren indizea | 16,1 | 11,1 | 3,6 |
| Eraikinak | 14,4 | 9,8 | 3,2 |
| Obra zibila | 26,6 | 19,8 | 5,8 |
| | | | |
| Landunkopuruaren indizea | -0,3 | 1,3 | -0,2 |
Oinarria 2015
(p)Behinbehineko datuak
At/At-1: t urteko lehen hiruhilekotik t urteko azken hiruhilekora arteko aldi metatuaren urte arteko aldakuntza-tasa, t-1 urtearen aldi beraren aldean
Data 2023ko Otsailaren 28a
Iturria: Eustat. Eraikuntzaren koiunturako indizea
Langile landunen indizea, 2022ko hirugarren hiruhilekoarekin alderatuta % 0,2 jaitsi ondoren, 2021eko laugarren hiruhilekokoa baino % 0,3 txikiagoa izan da.
2022ko balantzea
2022. urte osoan, sektoreko jarduerak % 11,1 egin du gora 2021. urtearekin alderatuta. Etxegintzaren kasuan, urteko hazkunde metatua % 9,8 izan da, eta Obra Zibilarenean, berriz, % 19,8.
2022an metatutako langileen indizea aurreko urtean baino % 1,3 handiagoa da.
Informazio-oharrak
Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, hiruhileko honetako indizea laginaren % 89,90eko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62