2023/04/25eko prentsa-oharra
ERAIKUNTZAREN KOSTUEN INDIZEA. 2023KO MARTXOA
Euskal AEko eraikuntzaren kostuak % 0,1 jaitsi dira 2023ko martxoan
Urte arteko terminoetan, 2023ko martxoan 2022ko martxoaren aldean, prezioen igoera % 7,1ekoa izan da
Eustaten datuen arabera, Euskal AEko Eraikuntzaren kostuen indizea % 0,1 jaitsi da 2023ko hirugarren hilabetean, bigarrenaren aldean. 2022ko hilabete berarekin alderatuta, kostuak % 7,1 igo dira.
Etxegintzako kostuak hil artean % 0,1 jaitsi dira, eta Obra Zibilekoak % 0,4. 2022ko martxoarekin alderatuta, prezioak % 7,1 igo dira, bai Obra Zibilean, bai Etxegintzan.
Aurreko hilabetearekin, 2023ko otsailarekin, alderatuta, lehengaien kostuak % 0,2 jaitsi dira, eta eskulanaren kostuek ez dute aldaketarik izan. Urte arteko terminoetan, aldiz, lehengaien kostua % 8,6 igo da, eta eskulanarena % 2,1.
Etxegintzaren sektorean lehengaien kostuak % 0,1 egin du behera hil batetik bestera, eta Obra Zibilarenak % 0,5. Urte arteko bilakaeran, Etxegintzako lehengaien kostuak % 8,7 igo dira, eta Obra Zibilekoak % 8,5.
Euskal AEko eraikuntzaren kostuen indizea. Aldakuntza-tasak (p). Martxoa 2023
| | Indizea | Aldakuntza (%) |
| | | m/m-1 | m/m-12 |
| Guztira | 126,6 | -0,1 | 7,1 |
| Eraikinak | 125,9 | -0,1 | 7,1 |
| Obra zibila | 129,6 | -0,4 | 7,1 |
| | | | |
| Lehengaiak | 129,0 | -0,2 | 8,6 |
| Eraikinak | 128,1 | -0,1 | 8,7 |
| Obra zibila | 132,8 | -0,5 | 8,5 |
| | | | |
| Laneskua | 119,1 | 0,0 | 2,1 |
Oinarria 2015=100
m / m-1 Azken hileko (m) aldakuntza-tasa, aurreko hilaren (m-1) aldean
m/m12 Azken hileko (m) aldakuntza-tasa, aurreko urteko hil beraren (m-12) aldean
(p)Behinbehineko datuak
Data 2023ko Apirilaren 25a
Iturria: Eustat. Eraikuntzaren Kostuen Indizea
Eraikuntzaren sektorean kontsumitutako lehengaien prezioak, 2023ko martxoan 2022ko martxoaren aldean igoera handienak izan dituztenak, sektore hauetan kokatzen dira: Mineral ez-metalikoak (% 17,0), Zuraren eta kortxoaren industria (% 16,1), Mineral ez-metalikoen industria (% 15,0) eta Kautxua eta plastikoa (% 12,8). Aitzitik, hauek dira bi sektore bakarrak zeinetan lehengaien prezioak jaitsi diren: Energia elektrikoa eta gasa (% 17,6ko jaitsiera) eta Petrolioa fintzea (% 14,7koa).
Euskal AEn kontsumitutako lehengaien prezioak, sektorearen arabera (A64). Urte arteko aldakuntza-tasa (p) . Martxoa 2023
| | m / m-12 |
| Ezmetalezko meak | 15,0 |
| Zuraren eta kortxoaren industria | 16,1 |
| Petrolioa fintzea | -14,7 |
| Industria kimikoa | 6,8 |
| Kautxua eta plastikoa | 12,8 |
| Produktu mineral ez-metalezkoak | 17,0 |
| Metalgintza | 8,1 |
| Metalezko artikuluak | 5,0 |
| Material elektronikoa | 2,3 |
| Material elektrikoa | 2,4 |
| Makineriaren fabrikazioa | 5,7 |
| Altzarigintza | 7,8 |
| Energia elektrikoa eta gasa | -17,6 |
Oinarria 2015=100
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Data 2023ko Apirilaren 25a
Iturria: Eustat. Eraikuntzaren Kostuen Indizea
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62